Мясніковіч назваў прычыны росту даўгоў у АПК

Безгаспадарчасць і недастатковая работа з кадрамі з'яўляюцца прычынай росту даўгоў сельгаспрадпрыемстваў. Пра гэта 15 мая на нарадзе па рашэнні праблем у АПК у Лідскім райвыканкаме заявіў прэм'ер-міністр Беларусі Міхаіл Мясніковіч.



Паводле яго слоў, у Гродзенскай вобласці 64 сельгасарганізацыі мінсельгаспрада (каля 42%) спрацавалі ў 2013 годзе з рэнтабельнасцю продажаў менш за 5%, што з'яўляецца гранню плацежаздольнасці, у тым ліку 32 арганізацыі атрымалі страту ад рэалізацыі прадукцыі.

Па канчатковым фінансавым выніку з улікам дзяржпадтрымкі стратныя 25 арганізацый Мінсельгасхарча. У пачатку 2014 года тэндэнцыя толькі пагаршаецца. Пры гэтым за 2013 рост фінансавых абавязацельстваў па Гродзенскай вобласці склаў 139% і перавысіў рэспубліканскі (128%). Павялічваецца тэмп росту пратэрмінаваных абавязацельстваў (173% пры рэспубліканскім паказчыку ў 163%). У шэрагу сельгасарганізацыях на 1 рубель выручкі прыходзіцца 3-4 рублі даўгоў, перадае БелТА.



Міхаіл Мясніковіч заклікаў старанна працаваць з гаспадаркамі, кадрамі, якія не могуць прадбачыць і прадугледзець такія сітуацыі. Ён адзначыў, што міжведамасная рабочая група па пытаннях АПК прапануе меры, якія павінны папоўніць разрыў паміж выдаткамі і выручкай у АПК.

telegraf.by

Хочаце ведаць больш? Сачыце за нашымі публікацыямі ў Telegram і Facebook!