На першым энергаблоку БелАЭС пачаліся гідравыпрабаванні рэактарнай устаноўкі

На першым энергаблоку Беларускай атамнай электрастанцыі прыступілі да гідраўлічных выпрабаванняў рэактарнай устаноўкі.
Падчас гідравыпрабаванняў будзе праверана работа галоўных цыркуляцыйных помпаў і іншага абсталявання першага і другога контураў рэактарнай устаноўкі. Паспяховае завяршэнне гідравыпрабаванняў дазволіць перайсці да наступных падэтапаў праграмы — разагрэву першага контуру рэактара да намінальных параметраў, вызначэнню яго гідраўлічных характарыстык і наступнаму вываду рэактара на мінімальна кантраляваны ўзровень магутнасці.

Энергетычны пуск першага энергаблока плануецца ў чацвёртым квартале 2020 года.

Беларуская АЭС з двума рэактарамі ВВЭР-1200 сумарнай магутнасцю 2400 МВт будуецца па расійскім праекце АЭС-2006 блізу Астраўца Гродзенскай вобласці. Генеральным падрадчыкам выступае дзяржкарпарацыя «Расатам».

Паводле minenergo.gov.by

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: