Нацбанк: Uber у Беларусі — па-за законам

Рэалізаваная схема разлікаў сэрвісу Uber з транспартнымі кампаніямі не адпавядае беларускаму заканадаўству. Пра гэта гаворыцца ў лісце Нацбанка ў адрас Асацыяцыі беларускіх банкаў.
offcost.ru

offcost.ru

Раней банкі папрасілі рэгулятара ацаніць схему разлікаў, якую выкарыстоўвае сэрвіс таксі. Пытанне датычылася не карыстальнікаў паслугі, а перавозчыкаў.

У цяперашні час нідэрландская кампанія Uber ML B.V. аказвае на дагаворнай аснове паслугі беларускім перавозчыкам (юрыдычным асобам і індывідуальным прадпрымальнікам), якія дазваляюць шукаць, атрымліваць і выконваць заказы таксі пасажыраў праз выкарыстанне мабільных дадаткаў. Пры гэтым плацёж на карысць Uber ML B. V выконваецца фізічнымі асобамі па безнаяўным разліку ў беларускіх рублях з дапамогай праграмы Uber, абмінаючы бягучыя (разліковыя) банкаўскія рахункі транспартных кампаній. У далейшым нідэрландская кампанія за выключэннем свайго ўзнагароджання пералічвае суму ў доларах на рахунак беларускага перавозчыка, сцвярджаюць у банках. Разам з тым, паводле інфармацыі крэдытных арганізацый, да жніўня бягучага года на рахункі перавозчыкаў ад Uber ML B.V. паступалі беларускія рублі.

Згодна з Правіламі правядзення валютных аперацый, зацверджанымі пастановай праўлення Нацбанка ад 30 красавіка 2004 года № 72, выкарыстанне замежнай валюты пры правядзенні разлікаў паміж рэзідэнтамі і фізічнымі асобамі за аказаныя ім транспартныя паслугі ў Беларусі не дапускаецца.

У сувязі з гэтым атрыманне сродкаў у доларах на разліковы рахунак беларускага перавозчыка ад нідэрландскай кампаніі за аказаныя грамадзянам транспартныя паслугі ў Беларусі не адпавядае патрабаванням валютнага заканадаўства, гаворыцца ў адказе Нацбанка.

У адпаведнасці з падпунктам 1.1 пункта 1 указа ад 27 сакавіка 2008 г. № 178 «Аб парадку правядзення знешнегандлёвых аперацый» дамова паміж рэзідэнтам і нерэзідэнтам, якая прадугледжвае аказанне паслуг, з'яўляецца знешнегандлёвай дамовай, а атрыманне рэзiдэнтам паслуг на платнай аснове ад нерэзідэнта з'яўляецца імпартам. Такім чынам, дамовы, заключаныя транспартнымі арганізацыямі з Uber, з'яўляюцца знешнегандлёвымі дамовамі, якія прадугледжваюць імпарт паслуг.

Пры імпарце разлікі па знешнегандлёвых дагаворах ажыццяўляюцца толькі з рахункаў імпарцёраў (у тым ліку са спецыяльнага рахунку акрэдытыва), вынікае з дакумента.

Такім чынам рэалізаваная схема разлікаў Uber з беларускімі перавозчыкамі не адпавядае заканадаўству, гаворыцца ў адказе Нацбанка.

Нагадаем, у ліпені 2017 года «Яндекс.Такси» і Uber абвясцілі аб стварэнні аб'яднанай кампаніі для працы ў Расіі, Беларусі, Казахстане, Грузіі, Азербайджане і Арменіі.

tut.by

Хочаце ведаць больш? Сачыце за нашымі публікацыямі ў Telegram і Facebook!