Падаражанне праезду, штрафы за «гуму», прыбаўка да пенсіі, цэны на мяса і цукар: змены снежня

З 1 снежня ў Беларусі вырастуць некаторыя пенсіі (пры гэтым рэальныя выплаты па-ранейшаму падаюць), падаражэюць цыгарэты. З 1 снежня вадзіцелі могуць атрымаць папярэджанне або штраф да 0,5 базавай велічыні (13,5 рубля) за язду на аўтамабілі на летніх шынах. У канцы снежня ўлады павінны вырашыць пытанне з цэнамі на некаторыя сацыяльна значныя тавары, сярод якіх хлеб, мяса, сыр, малако, цукар. А ў рэгіёнах ужо пачалі павышаць кошт праезду ў гарадскім і прыгарадным аўтамабільным грамадскім транспарце і, хутчэй за ўсё, у пачатку снежня астатнія вобласці таксама падвысяць. FINANCE.TUT.BY склаў падборку змяненняў снежня, якія могуць паўплываць на таўшчыню кашалькоў беларусаў.


Некаторыя пенсіянеры атрымаюць прыбаўку. Рэальныя пенсіі працягваюць падаць

З 1 снежня ў Беларусі падвысяць працоўныя пенсіі - у сярэднім на 5,4%. Сярэдняя працоўная пенсія павінна вырасці да 483 рублёў. У Мінпрацы раней растлумачылі, хто зможа атрымаць прыбаўку да пенсіі са снежня, а хто - не (і чаму). Нагадаем, у кастрычніку (на 0,6% да верасня) і верасні (на 0,9% да жніўня) у Беларусі ўпалі рэальныя пенсіі, іх разлічваюць з папраўкай на інфляцыю. А па сярэднім памеры пенсій Беларусь саступае шматлікім суседнім краінам, асабліва прыкметна - Польшчы і краінам Балтыі.

У апошні раз працоўныя пэнсіі павышалі перад прэзыдэнцкімі выбарамі - з 1 ліпеня, хоць іх рост планаваўся на больш позні час. «Гэта не папулізм, не дзеля нейкіх выбараў, я ніколі гэтага не рабіў», - казаў Аляксандр Лукашэнка.

Нагадаем, з 1 лістапада падвышалі мінімальныя працоўныя і сацыяльныя пенсіі. Да прыкладу, сацыяльная пенсія па ўзросту вырасла на 1,01 рублі - да 129,06 рубля. А мінімальная пенсія па ўзросце (без уліку даплаты ў 20% ад сярэдняй зарплаты) вырасла з 1 лістапада да 64,53 рубля (0,5 рубля).

Падаражэе праезд у грамадскім транспарце

У Гродзенскай і Гомельскай абласцях з 29 лістапада павышаюць кошт праезду ў гарадскім грамадскім і прыгарадным аўтамабільным транспарце. Да прыкладу, талончык у аўтобусах і тралейбусах будзе падаражэе з 60 да 70 капеек. Праезд у хуткасных аўтобусах з 29 лістапада будзе каштаваць 80 капеек. Вырасце таксама кошт праязных.

Нагадаем, у папярэднія гады пасля павышэння кошту праезду ў грамадскім транспарце ў адным рэгіёне падобнае рашэнне прымалі і ў астатніх абласцях. Таму вялікая верагоднасць, што ў бліжэйшы час - у першых чыслах снежня - праезд падаражэе і ў іншых рэгіёнах.

Кошт праезду таксама можа вырасці і ў Мінску.

Вырашаць пытанне цэнамі на мяса, «малачка», цукар

У канцы снежня заканчваецца дзеянне пастановы МАРГ, якім дзяржавай рэгулююцца цэны на сацыяльна значныя тавары - 18 пазіцый (дзяржрэгуляванне было падоўжанае з з 15 кастрычніка да 31 снежня). Сярод іх - сметанковае масла і сланечнікавы алей, пшанічная мука, соль, некаторыя віды круп, хлеба, мяса, сыру, малака.

Таксама ў канцы снежня заканчваецца дзеянне пастановы МАРГ, якім усталявалі лімітавую мінімальную рознічную цану белага крышталічнага цукру. Кошт цукру на паліцах з улікам ПДВ не павінна апускацца ніжэй за 1,5 рубля за кілаграм. У канцы снежня ўлады могуць альбо падоўжыць дзяржрэгуляванне коштаў на цукар, альбо адпусціць яго кошт.

Тым часам у Беларусі падаражэў цукар айчынных вытворцаў. Пры гэтым цяпер у крамах складана знайсці танны расейскі, хоць у імпарцёраў ёсць дзейсныя на тэрыторыі Беларусі дэкларацыі адпаведнасці на гэты тавар. Тым часам да канца года ў Беларусі дзейнічае дзяржрэгуляванне коштаў на белы крышталічны цукар, яны не могуць быць ніжэй за 1,5 рубля.

Могуць аштрафаваць за летнюю «гуму»

З 1 снежня вадзіцелі могуць атрымаць папярэджанне або штраф да 0,5 базавай велічыні (13,5 рубля) за язду на аўтамабілі на летніх шынах. Калі ж кіроўцы спыняць за эксплуатацыю летніх шын паўторна, то сума штрафу складзе ад 2 да 5 базавых велічынь (ад 54 да 135 рублёў).

Падаражэюць некаторыя цыгарэты

З 1 снежня ў Беларусі даражэюць некаторыя цыгарэты, паведамляе Міністэрства па падатках і зборах. Некаторыя цыгарэты падаражэюць адразу на 10 капеек. Таксама ў продажы з'явяцца новыя маркі. Цэны падвысяць гарадзенская тытунёвая фабрыка «Нёман», кампанія «Тытунь-Інвест», «Беларусьгандаль». «Інтэр Табака», як і «Энерга Оіл» не плануюць павышаць кошт цыгарэт з 1 снежня.

Пошук новага праўлення для банка

У Белгазпрамбанка да сярэдзіны снежня, як плануецца, павінна з'явіцца новае кіраўніцтва. Да фарміраванні новага складу праўлення на мінулым тыдні падключыліся асноўныя расійскія акцыянеры - "Газпрам" і Газпрамбанк, паведамляла кіраўнік часовай адміністрацыі банка Надзея Ермакова. Кіраўнік раней распавяла TUT.BY, што расійскі бок ужо прапанавала кандыдатуры ў члены праўлення банка. Усе яны - з ліку работнікаў Белгазпрамбанка. Пры гэтым па кандыдатуры старшыні праўлення, па яе словах, гутарак яшчэ не было. Самай Надзеі Ермаковай прапанову ўзначаліць банк не паступала.

На яе думку, пасля таго як будзе сфармавана новае кіраванне банка, ёсць перадумовы для таго, каб банк аднавіў свае пазіцыі на рынку.

- Калі будзе створана кіраванне банка, вернецца да нас ўласнік з рэсурсамі, ёсць упэўненасць, што аб'ёмы банкаўскіх паслуг і крэдытавання павялічацца і з часам адновяцца, - мяркуе банкаўскі кіраўнік.

tut.by

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: