Падатковая хоча па-новаму правяраць даходы і выдаткі беларусаў

Міністэрства па падатках і зборах плануе па-новаму правяраць, ці не перавышаюць выдаткі беларусаў іх даходы.


Цяпер тым, хто не змог пацвердзіць паходжанне даходаў, трэба плаціць падатак з сумы, якая перавышае выдаткі над грашовымі паступленнямі. МПЗ разглядае варыянт, каб увесь даход, які быў скрыты ад падаткаабкладання, абкладаць падаткам, а не суму перавышэння выдаткаў над даходамі. Акрамя таго, падаткавікі таксама хочуць больш увагі надаваць прыбыткам сваякоў чалавека, у якога запытваюць дэкларацыю аб даходах і маёмасці.

Як цяпер абкладаюць падаткам «лішнія» даходы

Для пачатку раскажам, як цяпер і ў якіх сітуацыях падатковая супастаўляе даходы і выдаткі і калі просіць даць справаздачу.

З ліпеня 2017 года падатковая можа супастаўляць сумы выдаткаў і даходаў фізасобы як за 10 апошніх поўных каляндарных гадоў, так і за мінулы перыяд гэтага года. Для гэтага падаткавікі дасылаюць пісьмовы запыт (патрабаванне аб прадстаўленні дэкларацыі аб даходах і маёмасці). Пры гэтым у іх павінна быць інфармацыя аб перавышэнні кошту маёмасці і выдаткаў над даходамі, якія паступілі з законных крыніц, на суму не менш за 250 базавых велічынь (7250 рублёў). Тут ёсць важны момант: такое перавышэнне можа "набегчы" за некалькі гадоў агулам, і гэта можа стаць падставай для праверкі падатковай.

Калі ў падатковай паўсталі пытанні, то правяраюць дэклараваныя даходы і маёмасць па дадзеных, якія пазначаны фізічнымі асобамі ў дэкларацыі, і інфармацыі, якая ёсць у падаткавікоў. Нагадаем, у падатковых органах працуе аўтаматызаваная сістэма, якая дазваляе супастаўляць інфармацыю аб тым, колькі чалавек зарабляе і колькі траціць. Напрыклад, у базе змяшчаецца інфармацыя аб заробку па асноўным месцы працы, аб атрыманых з-за мяжы грашовых перакладах, цяпер да яе дадасца яшчэ і звесткі аб крэдытах. Акрамя гэтага, у базе адлюстраваны дарагія пакупкі: кватэры, дамы, транспартныя сродкі, гаражы.

У гэтым моманце і плануецца ўвесці змены ў працы падаткавікоў.

Што хочуць змяніць па падатках

Калі цяпер яны правяраюць даходы і выдаткі канкрэтнага чалавека, то ў планах — браць пад увагу таксама даходы і выдаткі яго сваякоў, а таксама «ўзаемазалежных асоб».

На практыцы магла быць такая сітуацыя, да прыкладу, што мянчук купіў кватэру ці дарагі аўтамабіль, пасля чаго падатковая запатрабавала падаць дэкларацыю аб даходах і выдатках. Чалавек мог паказаць у дэкларацыі, што рабіў дарагія пакупкі за кошт пазыкі ў іншага фізасобы (з гэтай сумы яму трэба будзе выплаціць падаходны падатак у 13%), альбо за кошт пазыкі ў блізкіх сваякоў (плаціць падатак не трэба незалежна ад сумы). Такія магчымыя варыянты па-ранейшаму застаюцца. Але падатковая будуць больш уважліва вывучаць даходы і выдаткі сваякоў. Калі ўсе-ткі знойдуць перавышэнне выдаткаў над даходамі, то прыйдзецца заплаціць падатак з усёй сумы схаванага ад падаткаабкладання прыбытку.

Калі казаць груба, крыніца даходу сыходзіць на другі план, галоўнае — выплаціць падатак з перавышэння. А цяпер падаткавікі хочуць спрабаваць высветліць, адкуль даходы, і абкласці падаходным усю суму, якую схавалі ад падаткаабкладання. Гэта значыць прыйдзецца заплаціць вялікую суму падатку. У гэтай сітуацыі чалавеку будзе больш выгадна легалізаваць даходы і адразу заплаціць 13%.

Яшчэ адна навіна: калі чалавек, у якога запыталі дэкларацыю аб даходах і выдатках, з'яўляецца заснавальнікам якой-небудзь арганізацыі, то падатковая мае намер браць пад увагу таксама вынікі яе фінансава-гаспадарчай дзейнасці.

Калі гаворка ідзе пра індывідуальнага прадпрымальніка, то па ім падатковая таксама прапануе спаганяць падатак з перавышэння выдаткаў над даходамі, а з першапачаткова атрыманай выручкі. Прасцей кажучы, калі ў чалавека, які зарэгістраваны як ІП, выдаткі за запытаны перыяд перавысяць даходы, то яго папросяць заплаціць падатак з атрыманай выручкі.

У МПЗ удакладняюць, што нязначныя выплачаныя падаткі ад дзейнасці, пры гэтым адсутнасць зняцця наяўных грошай з рахунку, а толькі безнаяўнае расходаванне выручкі працяглы час з боку ІП і адначасовая купля маёмасці кажуць пра тое, што ІП можа хаваць даходы.

А чые даходы падатковая правярае перш за ўсё?

У катэгорыю падвышанай рызыкі ўваходзяць тыя, хто атрымлівае мізэрны даход, але марнуе значныя сумы — купляе на сваё імя нерухомасць і машыны.

Таму ў першую чаргу падатковая супастаўляе даходы і выдаткі тых, хто купляе (будуе) дарагія кватэры і дома, а таксама набывае аўтамабілі.

У якіх яшчэ сітуацыях падатковая можа папрасіць даць справаздачу па даходах і расходах

Запытаць дэкларацыю могуць і па пісьмовым запыце КДК, МУС, органаў дзяржаўнай бяспекі, органаў пракуратуры і СК, калі вядзецца адміністрацыйны працэс, а таксама па крымінальных справах і матэрыялах, якія знаходзяцца ў вытворчасці, па заявах і паведамленнях аб злачынствах. У такім выпадку не патрабуецца інфармацыя аб перавышэнні выдаткаў, каб падатковая даслала вам пісьмовы запыт і вы распавялі пра крыніцы даходу.


Паводле finance.tut.by

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: