Памочнік Лукашэнкі ацаніў шкоду ад пратэстаў у Беларусі ў паўмільярда долараў

Памочнік незмяняльнага кіраўніка Беларусі па пытаннях фінансава-крэдытнай сістэмы Валерый Бельскі заявіў, што шкода ад пратэстаў, якія пачаліся ў краіне пасля выбараў, склала не менш за 500 мільёнаў долараў, «пацярпела інвестыцыйная прывабнасць краіны».

Фота twitter.com

«Адтэрмінаваная (шкода) вылічаецца мільярдамі. Парушаныя асновы створанай гадамі сістэмы замежнага крэдытавання, пацярпела інвестыцыйная прывабнасць краіны», — сказаў Бельскі.

Памочнік Лукашэнкі не ўдакладніў, як быў ацэнены ўрон ад пратэстаў. Пры гэтым ён згадаў забастоўкі работнікаў дзяржаўных прадпрыемстваў, якія ў апошнія дні ладзяць у розных гарадах Беларусі.

А 12 жніўня ў выканкаме Мінска заяўлялі, што шкода ад пратэстаў у горадзе ў першыя тры дні перавысіла 500 тысяч беларускіх рублёў (больш за 200 тысяч долараў).

Паводле  meduza.io



Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

  • Апошняе на сайце
,

Больш цікавага на «Новым Часе»: