Першы энергаблок БелАЭС здадзены ў прамысловую эксплуатацыю

Першы энергаблок БелАЭС здадзены ў прамысловую эксплуатацыю. Сёння прыёмачная камісія на чале з віцэ-прэм’ерам Юрыем Назаравым падпісала акт прыёмкі ў эксплуатацыю пускавога комплексу першага энергаблока Беларускай АЭС.


Паводле яе інфармацыі, рашэнне Камісіі грунтуецца на станоўчых заключэннях наглядных органаў і працоўнай камісіі БелАЭС, выдадзенай МНС ліцэнзіі на прамысловую эксплуатацыю энергаблока, паведамляе REFORM.by са спасылкай на прэс-службу Мінэнерга

Энергаблок працуе на намінальным ўзроўні магутнасці рэактарнай устаноўкі. З моманту ўключэння блока ў сетку ўжо выпрацавана амаль 3 млрд. кілават-гадзін электраэнергіі.

Ва ўзвядзенні БелАЭС удзельнічала 36 будаўнічых арганізацый. На піку будаўнічых работ у ім было занята 8,5 тыс. чалавек.

На другім энергаблоку нядаўна завершаны гідравыпрабаванні. Чакаецца, што ўвосень у яго будзе загружана паліва і пачнецца этап фізічнага пуску.

Пры гэтым на тыдні было прызнана, што электрасеткі Беларусі маюць недастатковую прапускную здольнасць для таго, каб выкарыстоўваць электраэнергію БелАЭС на ацяпленне і бытавыя патрэбы.



Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: