Пенсіі падвышаць не будуць

Магчымасці Фонду сацыяльнай абароны насельніцтва (ФСАН) не дазваляюць у гэтым годзе павышаць пенсіі.



Пра гэта паведаміла кіруючая фондам Людміла Бачыла, выступаючы 8 чэрвеня на пашыраным пасяджэнні пастаяннай камісіі Палаты прадстаўнікоў па бюджэце і фінансах.

Яна адзначыла, што ў мінулым годзе працоўныя пенсіі павышаліся тройчы: на 5, 7 і 5,5 %. У гэтым жа годзе заработная плата не вырасла настолькі, каб можна было павысіць працоўныя пенсіі.

"Сітуацыя няпростая, пенсіянеры хочуць павышэння пенсій. Яны прывыклі да штоквартальнага пераразліку пенсій. Нажаль, фінансавыя магчымасці не дазваляюць гэта рабіць", — заявіла Бачыла.

На яе думку, у далейшым сітуацыя шмат у чым будзе залежаць ад таго, "як павядзе сябе сярэдні заробак". Кіруючая ФСАН адзначыла, што пры наяўнасці магчымасцяў рашэнне аб пераразліку памеру працоўных пенсій можа быць прынятае. Пры гэтым Бачылы нагадала, што згодна з заканадаўствам пераразлік пенсій праводзіцца ў выпадку, калі сярэдняя зарплата за квартал вырасла больш чым на 15 %.

Сярэдні заробак у красавіку склала 6.530.000. Рублёў. Цяперашняга ўзроўню ён дасягнуў ў сярэдзіне мінулага года і на працягу наступных месяцаў вагаўся ў межах 6 — 6,5 млн. рублёў.

У сярэдзіне 2014 года ўрад прыняў рашэнне, згодна з якім рост заробкаў на дзяржаўных прадпрыемствах ўвязаны з дынамікай прадукцыйнасці працы. З прычыны гэтага рост заробкаў у рэальным сектары эканомікі спыніўся.

БелаПАН

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: