Рэальныя прыбыткі беларусаў рэкордна ўпалі

З пачатку года ў Беларусі падаюць рэальныя прыбыткі насельніцтва.


Напрыклад, у сёлетнім студзені яны скараціліся на 5,4 % у параўнанні з аналагічным перыядам 2015 года (паводле Белстату), а ў студзені-маі — на 7 %. Гэта антырэкорд не толькі для бягучага года, але таксама і для мінулага.

Па выніках мінулага года рэальныя прыбыткі насельніцтва скараціліся на 5,9 % пры тым, што ўрад планаваў рост у памеры 1,1-1,5 %. На сёлета ж запланаваны рост у 0,5 % у параўнанні з мінулагоднім паказнікам.

Даведка. Рэальныя наяўныя прыбыткі насельніцтва вызначаюцца сыходзячы з адкарэктаваных на індэкс цэнаў грашовых прыбыткаў цякучага перыяду за вылікам абавязковых плацяжоў. Гэта адзін з галоўных эканамічных паказнікаў, паводле якіх вызначаецца дабрабыт грамадзянаў.

Прапануем вашай увазе рэпартаж пра тое, як мінчукі ратуюцца ад наступстваў эканамічнага крызісу, вырошчваючы гародніну… пад вокнамі шматпавярховікаў.




belsat.eu

Хочаце ведаць больш? Сачыце за нашымі публікацыямі ў Telegram і Facebook!