Рубель за плацёж — Беларусбанк уводзіць камісію за абслугоўванне ў касах

Камісію за здзяйсненне некаторых плацяжоў у касах ААТ «АСБ Беларусбанк» уводзіць з 1 кастрычніка.
 Myfin.by

 Myfin.by

Заплаціць праз касу банка за навучанне, паркоўку, інтэрнэт і некаторыя іншыя паслугі абыйдзецца ў 1 рубель.

Узнагароджанне не будзе спаганяцца з ветэранаў Вялікай Айчыннай вайны, а таксама за найбольш запатрабаваныя плацяжы (за ЖКП, гарадскі тэлефон і да т.п.). У спіс бясплатных увайшлі таксама пералічэнні ў бюджэт (падаткі, зборы, пошліны, штрафы); на карысць грамадскіх аб'яднанняў; на дабрачынныя рахункі; у выглядзе ўзносаў страхавымі агентамі; на карысць ААТ «АСБ Беларусбанк».

Усе плацяжы, за якія будуць браць камісію ў касах, можна здзейсніць бясплатна з дапамогай Інтэрнэт-банкінгу, М-банкінгу, праз інфакіёскі.

У «Беларусбанку» нагадалі, што з 16 ліпеня 2018 года адменена ўзнагароджанне за рэгістрацыю ў сістэме «Інтэрнэт-банкінг», у тым ліку за анлайн-рэгістрацыю, і выдачу карты кодаў пры рэгістрацыі ў сістэме.

Таксама ў рамках развіцця лічбавых тэхналогій з выкарыстаннем мабільных тэлефонаў рэалізаваная магчымасць аплаты тавараў і паслуг з дапамогай сэрвісаў Belarusbank Pay, Samsung Pay, а таксама QR-кода, у тым ліку ў дадатку М-банкінг, у сістэме АРІП.

mlyn.by

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: