«Самалёты з валютай» яшчэ не даляцелі да Беларусі

Пра гэта Еўрарадыё паведамілі ў прэс-службе Нацбанка.



19 снежня першы намеснік старшыні Нацбанка Тарас Надольны сказаў, што Нацбанк замовіў грошы ў замежных банках і «самалеты ўжо на падлёце». Па яго словах, валюта з’явіцца ў абменніках у дастатковай колькасці бліжэйшым часам.
 
 
Але ў панядзелак, 22 снежня, сітуацыя з валютай застаецца такой жа: пакуль даляраў у абменніках няма.
 
 
«Ніякай забароны на продаж валюты няма. Калі прыбудзе партыя валюты для падмацавання абменнікаў, яны паступяць у банкі. Пакуль ніякіх звестак не паступала», — кажуць у прэс-службе Нацбанка.
 
 
Дарэчы, у абменніку «Белаграпрамбанку» каля Еўрарадыё валюты на ранак панядзелка не было. Абменнікі працуюць па схеме «што здалі людзі, тое і прадаюць».
 
 

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: