Сусветны банк прарочыць спад эканомікі Беларусі на 2,7% у 2021 годзе

Сусветны банк прагназуе зніжэнне ВУП Беларусі на 2,7% у 2021 годзе. Пра гэта гаворыцца ў студзеньскім дакладзе «перспектывы глабальнай эканомікі».


Міжнародны фінансавы інстытут называе сярод рызык для беларускай эканомікі працяг палітычнага крызісу ў краіне, перадае TUT.BY.

Прагноз сацыяльна-эканамічнага развіцця Беларусі на 2021 год, зацверджаны ўказам Лукашэнкі, прадугледжвае рост ВУП на 1,8%.

Эксперты СБ прагназавалі, што ВУП Беларусі па выніках 2020 года знізіцца на 1,6%. 5 студзеня Лукашэнка сказаў, што падзенне склала 0,5%.

У цэлым Сусветны банк адзначае аднаўленне сусветнай эканомікі. Яе рост у 2021 годзе паскорыцца да 4%. Але многае будзе залежаць ад далейшага распаўсюджвання каронавіруса і тэмпаў вакцынацыі. На думку экспертаў СБ, ВУП Расіі ў 2021 годзе павінен вырасці на 2, 6%, Еўразоны — на 3,6%, Кітая — на 5,2%, Польшчы — на 3,5%, Украіны — на 3%.

Пры гэтым па выніках 2021 года памер сусветнай эканомікі ўсё роўна будзе менш дакавіднага ўзроўню. Скарачэнне сусветнага ВУП у 2020 годзе ацэньваецца ў 4,3%.

Сусветны банк таксама ацаніў дынаміку ВУП Беларусі ў 2022 годзе. Паводле яго прагнозу, беларуская эканоміка павінна вырасці на 0,9%.



Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: