У Беларусі павялічылася колькасць гастарбайтэраў

У Беларусі амаль на чвэрць узрасла колькасць працоўных мігрантаў. Большасць з іх прыехалі ў Беларусь з Расіі, Кітая і Украіны.
Такую інфармацыю агучыў намеснік начальніка Дэпартамента па грамадзянстве і міграцыі МУС палкоўнік міліцыі Аляксандр Татура.

— Усяго ў 2019 года ў нашу краіну для ажыццяўлення працоўнай дзейнасці прыбыло звыш 20,8 тыс. іншаземцаў. Гэта на 4,7 тыс. Больш, чым у 2018 годзе, — адзначыў Аляксандр Ціхановіч.

Па дадзеных ДГиМ МУС найбольшая колькасць прыбылых у Беларусь працоўных мігрантаў склалі расіяне — 6,7 тыс., або кожны трэці спецыяліст. Амаль кожны пяты працаўладкаваны — грамадзянін Кітая (4,3 тыс.). У тройку краін па ліку прыбылых да нас на працу замежнікаў ўвайшла Украіна (3,1 тыс.).

У якасці пляцоўкі для працаўладкавання Беларусь таксама выбіраюць грамадзяне Узбекістана, Казахстана, Арменіі, Азербайджана, Турцыі і Літвы. Рэдкі працоўны дэсант — жыхары Буркіна-Фасо, Камеруна, Конга, Маўрытаніі, Уругвая, Трынідада і Табага. У мінулым годзе з гэтых краін для працы ў Беларусь прыбыла па адным спецыялісце.

Больш за 5,6 тыс. працоўных імігрантаў мелі рабочыя спецыяльнасці, больш за 3 тыс. чалавек — кваліфікаваныя работнікі і спецыялісты, звыш 1,3 тыс. іншаземцаў задзейнічаны ў сферы абслугоўвання і гандлю, 428 — у сельскай гаспадарцы. Больш за 1,2 тысячы прыезджых займалі пасады кіраўнікоў.

Пераважная большасць мігрантаў былі занятыя ў сталіцы, Гродзенскай і Мінскай абласцях. Менш за ўсё працаўладкаваных замежных грамадзян апынулася ў Магілёўскай вобласці.

У 2019 годзе ў рэйтынгу ўязной міграцыі (а не працоўнай) у Беларусь грамадзяне Украіны ўпершыню перамясціліся з другога месца на трэцяе, саступіўшы пазіцыю жыхарам Туркменістана. Першае месца традыцыйна занялі жыхары Расіі. А вось грамадзяне Туркменістана замацаваліся на другім радку за кошт студэнтаў, якія прыбылі ў беларускія ВНУ. Па дадзеных Белсата, у Беларусі у 2018 годзе вучылася 7,7 тысяч туркменскіх студэнтаў.

Паводле thinktanks.by

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: