У Беларусі жанчын неахвотна дапускаюць да рэальнага кіравання бізнесам

Жанчыны-кіраўніцы займаюць пасады, якія не ўплываюць на палітыку кампаніі і яе ключавыя рашэнні.
Цэнтр эканамічных даследаванняў Beroc прааналізаваў 92 кампаніі рознай галіновай прыналежнасці, усе з якіх поўнасцю або часткова дзяржаўныя. Даследчыкі спрабавалі высветліць, ці прымаюць жанчыны ўдзел у кіраванні кампаніямі і як гэта адбіваецца на фінансавай паспяховасці арганізацый.

З першага погляду ў беларускіх кампаніях амаль ідэальна выконваецца прынцып гендэрнай роўнасці. Жанчыны лічыліся ў складзе выканаўчага дырэктарата амаль усіх даследаваных арганізацый, толькі 12% з іх кіраваліся выключна мужчынамі. Пры гэтым у ільвінай долі кампаній жанчыны складалі 30% кіруючага персаналу.

Гэты факт не можа не радаваць. Бо на Захадзе для гарантыі гендэрнай роўнасці кампаніям вылучаюць абавязковыя альбо добраахвотныя патрабаванні па долі жанчын у кіраванні. Тлумачыцца гэта тым, што ў шматлікіх эксперыментах, калі людзям прапануецца выбраць кіраўніка з аднолькавымі адукацыяй і вопытам, якія адрозніваюцца толькі полам, большасць выбірае мужчын. Абавязак выбраць хоць бы на 30% кіруючых пазіцый менавіта жанчыну проста адновіць аб'ектыўную справядлівасць.

У каго рэальная ўлада?

Можна ганарыцца, што Беларусь без усялякіх патрабаванняў выконвае прынцып роўнасці палоў. Хоць калі капнуць глыбей, высветліцца, што на самай справе не ўсё так вясёлкава.

«У большасці выпадкаў роля жанчын у кіраўніцтве кампаній зводзілася да выканання функцый, не прадугледжваючых істотнага ўплыву на палітыку і стратэгію развіцця кампаній», — сказана ў даследаванні Beroc.

У асноўным жанчынам адводзілася роля галоўнага бухгалтара, дырэктара па кадрах, камерцыйнага дырэктара і г.д., а таксама такая спецыфічная для дзяржкампаній пасада як дырэктар па ідэалогіі. Пасаду гендырэктара жанчыны займалі толькі ў 7% выпадкаў.

Як жанчыны спраўляюцца з кіраўніцтвам?

Аналіз не выявіў істотнай сувязі паміж доляй жанчын-кіраўнікоў і паказчыкамі эфектыўнасці кампаніі. Аднак выснова мяняецца, калі ўлічваць толькі тыя кампаніі, у якіх жанчына займае пасаду і рэальна ўплывае на палітыку кампаніі.

Такія арганізацыі працуюць па некаторых паказчыках эфектыўнасці лепш, па іншых — горш. У прыватнасці, у іх вышэй рэнтабельнасць актываў, але таксама некалькі вышэй каэфіцыент фінансавай рызыкі (стаўленне абавязацельстваў да ўласнага капіталу).

У цэлым, даследаванне паказвае, што жанчыны спраўляюцца з кіраўніцтвам арганізацыяй нічым не горш за мужчын. Тым не менш у нашай краіне рэальнае кіраванне кампаніямі давяраюць у асноўным мужчынам.

Паводле ej.by

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

  • Апошняе на сайце
,

Больш цікавага на «Новым Часе»: