Уцечка мазгоў. Візы па праграме «Poland.Business Harbour» атрымалі амаль 9 тысяч беларускіх спецыялістаў

Праграма «Poland.Business Harbour» — гэта комплекс паслуг, які дапамагае спецыялістам IT-сферы, стартапам, малым і сярэднім прадпрыемствам і буйным кампаніям пераехаць у Польшчу.


«Дзякуючы праграме "Poland.Business Harbour" да нас ужо пераехалі 10% беларускіх айцішнікаў і некалькі тысяч прадпрымальнікаў — усяго выдадзена 8,9 тысячы віз. Аб пераездзе ў Польшчу думаюць дзве траціны мясцовых [беларускіх — заўв. Reform.by] распрацоўшчыкаў. Мы іх вітаем з распасцёртымі абдымкамі», — цытуе REFORM.by польскае выданне «Puls Biznesu».

Каардынуе праграму Міністэрства развіцця і Польскае агенцтва інвестыцый і гандлю сумесна з «GovTech Polska» і канцылярыяй Старшыні Савета Міністраў, Міністэрствам замежных спраў, Польскім агенцтвам развіцця прадпрымальніцтва і фондам «Startup Hub Poland». У яе рамках можна даведацца, як пачаць працу на тэрыторыі Польшчы, атрымаць падтрымку пры пераездзе супрацоўнікаў і іх сем'яў або атрымаць юрыдычную і візавую дапамогу. Асобы з інжынернай адукацыяй або з вопытам працы ў IT-сферы змогуць скарыстацца паскоранай працэдурай атрымання віз.



Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: