Украіна хутка адключыцца ад супольнай з Беларуссю электрасеткі

З пачатку 2021 года Украіна была адзіным пакупніком беларускай электраэнергіі. Але ў планах Украіны — хутка  адключыцца ад сеткі Расіі і Беларусі і далучыцца да «ENTSO-E».

На саміце Украіна — ЕС 12 кастрычніка ў Кіеве пацвердзілі поўную палітычную падтрымку інтэграцыі Украіны з электрасеткай Еўрапейскага саюза «ENTSO-E».

Пра гэта заявіў кіраўнік украінскага МЗС Дзмітрый Кулеба. «Наша электрасетка будзе далучана да еўрапейскай, — сказаў міністр. — Мы адлучымся ад электрычных сетак Расіі і Беларусі. Гэта ўзмоцніць нашу энергетычную незалежнасць, створыць дадатковыя рынкавыя магчымасці для ўкраінскіх вытворцаў і пастаўшчыкоў электраэнергіі зарабляць грошы на рынку Еўрапейскага Саюза».

Эксперты адзначаюць, што гэты працэс будзе звязаны з мноствам праблем, і палохаюць, што плаціць за іх давядзецца ўкраінцам са сваёй кішэні.

Перападключэнне адбудзецца ў 2023 годзе. Цяпер украінская энергасістэма працуе сінхронна з энергасістэмамі Расіі і Беларусі.

З пачатку 2021 года Украіна была адзіным пакупніком беларускай электраэнергіі.

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: