Урад жорстка абмежаваў рост цэнаў

Савет міністраў выдаў пастанову аб часовых захадах для стабілізацыі сітуацыі на спажывецкім рынку, паведамляе Радыё Свабода.
belmarket.by

belmarket.by

У мэтах недапушчэння росту цэнаў і забеспячэння спажывецкага рынку таварамі ўрад пастанавіў:

Міністэрствам, ведамствам, юрыдычным асобам усіх формаў уласнасці і індывідуальным прадпрымальнікам не дапускаць росту адпускных цэнаў на тавары і паслугі больш як на 0,5% штомесяц і забяспечыць пастаўкі прадукцыі ў гандлёвую сетку пад патрэбы ўнутранага рынку.

Большае павышэнне дапускаецца толькі пасля ўзгаднення з камісіяй дзяржаўнага рэгулявання цэнаўтварэння пры Савеце міністраў. Урад заявіў, што за невыкананне даручэння кіраўнікоў будуць звальняць.

Мiнiстэрству антыманапольнага рэгулявання і гандлю, аблвыканкамам і Мінскаму гарвыканкаму кантраляваць захаванне асартыментнага пераліку тавараў суб’ектамі гандлю.

Перавышэнне раздробных цэнаў на тавары ў параўнанні з цэнамі, якія дзейнічалі на 1 красавіка, будзе лічыцца грубым парушэннем правілаў гандлю.

Дзяржаўным арганізацыям, якія рэгулююць цэны ў адпаведнасці з заканадаўствам, не павышаць тарыфы без адпаведнага ўзгаднення з камісіяй. Лічыць рашэнні кіраўнікоў аб павышэнні цэнаў падставай для адхілення іх ад пасадаў.

У тэксце гаворыцца, што парушэнне заканадаўства аб цэнаўтварэнні і гандлі цягне за сабой адміністрацыйную і крымінальную адказнасць. Сачыць за выкананнем пастановы будзе Камітэт дзяржкантролю.

svaboda.org

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: