Урад абнуліў падатак на валюту для пагашэння узятых пад дзяржпраграмы крэдытаў і на куплю шроту

Урад вызначыў выпадкі, калі стаўка падатку на біржавыя аперацыі па набыцці замежнай валюты на таргах ААТ «Беларуская валютна-фондавая біржы» устанаўліваецца ў памеры нуль працэнтаў. Аб гэтым гаворыць пастанова Саўміна, падпісаная 31 снежня 2014 года №1275.



Нулявая стаўка ўстанаўлiваецца пры куплі сродкаў для пагашэння і абслугоўвання валютных крэдытаў, прыцягнутых для рэалізацыі дзяржаўных праграм і мерапрыемстваў, а таксама планаў мадэрнізацыі арганізацыямі, якім вызначаны паказчыкі эфектыўнасці развіцця на 2013—2015 гады. З нулявой працэнтнай стаўкай набываецца валюта, неабходная для пагашэння і абслугоўвання валютных крэдытаў беларускіх банкаў, выдадзеных пад гарантыі ўрада і мясцовых выканаўчых і распарадчых органаў. Гэта ж тычыцца знешніх дзяржаўных пазык і замежных пазык, прыцягнутых пад гарантыі ўрада.
 
 
Нулявая стаўка ўстанаўлiваецца таксама пры куплі замежнай валюты для разлікаў за соевыя і сланечнікавы шроты (макуху), якія беларускія арганізацыі, індывідуальныя прадпрымальнікі набываюць па цэнах, не вышэйшых за тыя, якія дзейнічалі на 18 снежня 2014 года. Пры гэтым выкарыстоўвацца гэты тавар павінен для ўласнай вытворчасці (спажывання) на тэрыторыі Беларусі альбо для наступнай рэалізацыі беларускім арганізацыям для іх уласнай вытворчасці (спажывання) на тэрыторыі краіны.
 
 
Пастанова №1275 ўступіла ў сілу з дня яго прыняцця.
 
 

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: