ВУП Беларусі за 11 месяцаў знізіўся на 0,9%

Валавы ўнутраны прадукт Беларусі ў студзені-лістападзе склаў 133,9 млрд рублёў у бягучых цэнах. Ён знізіўся на 0,9% у супастаўных цэнах у параўнанні з аналагічным перыядам мінулага года


У студзені-кастрычніку падзенне ВУП склала 1,1%. Урад чакае, што па выніках года беларуская эканоміка скароціцца на 0,8-0,9%, перадае REFORM.by са спасылкай на Белстат.

Прадукцыйнасць працы па ВУП у студзені-лістападзе скарацілася на 0,7%.

Прамысловая вытворчасць вырасла ў лістападзе на 4,3% да 11,017 млрд рублёў у параўнанні з лістападам-2019. За 11 месяцаў прамысловая вытворчасць скарацілася на 0,7%.

Складскія запасы на 1 снежня склалі 5,28 млрд рублёў або 69,1% ад сярэднямесячнага выпуску.

У асноўны капітал у лістападзе было інвеставана 2,42 млрд рублёў, што на 9,7% менш, чым год таму. У цэлым за 11 месяцаў інвестыцыі зменшыліся на 4,3%.

Перавозкі грузаў скараціліся ў студзені-лістападзе на 7,1% да 366,4 млн т, а пасажыраў — на 20,8% да 1,48 млрд чалавек.

Аптовы тавараабарот за 11 месяцаў зменшыўся на 5%.

Згодна з прагнознымі параметрамі на 2020 год, якія Лукашэнка зацвердзіў 1 лістапада 2019 года, рост ВУП Беларусі ў 2020 годзе павінен быў скласці 2,8%.



Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: