«Yara» будзе працягваць закупляць калій у Беларусі

Кампанія «Yara» — нарвежскі вытворца мінеральных угнаенняў — будзе працягваць закупляць калій у Беларусі.
Фота telegraf.by

Фота telegraf.by

Пра гэта заявіў генеральны дырэктар Свен Торы Холсетэр. Паводле яго слоў, кампанія будзе працягваць імпартаваць калій да таго часу, «пакуль гэта можа аказваць станоўчы ўплыў на правы працоўных у Беларусі», паведамляе «Reuters».

Раней «Yara» патрабавала, каб «Беларуськалій» спыніў рэпрэсіі супраць работнікаў за ўдзел у забастоўках і пратэстах. Той жа лідар стачкама «Беларуськалія» Анатоль Бокун нядаўна правёў за кратамі 45 сутак.

Дзясяткі тысяч чалавек заклікалі нарвежскую кампанію спыніць супрацоўніцтва з беларускім бокам. У чэрвені з гэтай нагоды беларусы пікетавалі пасольства Нарвегіі ў Варшаве.

Нядаўна Нарвегія далучылася да сектаральных санкцый ЕС супраць улад Беларусі. Аднак гэтыя санкцыі не абмяжоўваюць імпарт у Нарвегію тых відаў беларускага хлорыстага калію, якія ўвозіць «Yara».

Паводле belaruspartisan.by

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: