За верасень спажывецкія цэны ў Беларусі выраслі на 0,8%

Яшчэ ў ліпені назіралася невялічкая дэфляцыя — падзенне цэн на 0,2%. У жніўні спажывецкія цэны выраслі толькі на 0,1%, паведамляе Радыё Свабода.
sb.by

sb.by

Паводле звестак Нацыянальнага статыстычнага камітэта, у Беларусі за верасень 2018 года спажывецкія цэны выраслі на 0,8% да папярэдняга месяца. Харчовыя тавары падаражэлі за месяц на 0,4%, нехарчовыя тавары — роўна на 1%, паслугі — на 1,3%.

З пачатку года цэны на спажывецкія тавары выраслі на 3,7%, а за 12 месяцаў — на 5,6%.

Паводле бюджэту на 2018 год гадавая інфляцыя запланаваная на ўзроўні 7,4%. І беларускі Нацбанк, і Міжнародны валютны фонд чакаюць, што за 2018 год інфляцыя не перавысіць 5,5%. Гэта не будзе рэкордам: самая нізкая інфляцыя за ўсю гісторыю была ў Беларусі ў 2017 годзе, «усяго толькі» 4,7%.

Міністэрства працы заявіла, што не будзе індэксаваць заробкі і стыпендыі за верасень, бо інфляцыя не перавысіла «пяціадсоткавага парогу».

Цэны пакуль растуць так, згодна са звесткамі Белстату:

студзень +0,8%;
люты +0,9%;
сакавік +0,8%;
красавік +0,3%;
травень –0,3%;
чэрвень +0,4%;
ліпень –0,2%;
жнівень +0,1%.

Радыё Свабода

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: