За год сума чыстай страты прамысловых прадпрыемстваў Беларусі вырасла ў 26 разоў

У студзені 2015 года сума чыстай страты стратных арганізацый прамысловасці ў Беларусі склала каля 35 трлн. рублёў, у 26 разоў больш, чым у студзені 2014 года, паведамілі ў Нацыянальным статыстычным камітэце.



Колькасць стратных арганізацый вырасла з 536 у студзені 2014года да 852 у студзені гэтага года. Удзельная вага ў агульнай колькасці арганізацый вырасла з 29,1 да 46,2%, паведамляе БелаПАН.

За студзень 2015 года выручка ад рэалізацыі прадукцыі, тавараў, работ, паслуг арганізацый сталіцы ў бягучых цэнах склала 58,4 трлн. рублёў, на 15,1% больш, чым у студзені 2014 года.

Сабекошт рэалізаванай прадукцыі, тавараў, работ, паслуг вырас на 10,1% і дасягнуў 45,6 трлн. рублёў.

Чысты прыбытак арганізацый у студзені 2015 года не быў атрыманы, страты склалі 30,3 трлн. рублёў. Прыбытак ад рэалізацыі вырас ў 1,7 разы да 5,2 трлн. рублёў.

Рэнтабельнасць продажаў склала 8,9% супраць 6% у мінулым годзе, рэнтабельнасць рэалізаванай прадукцыі — 11,4% супраць 7,4%.

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: