25 Сакавіка ў Вільні — вечаровае шэсце з 300-метровым сцягам і вялікі феерверк

Некалькі тысяч беларусаў Вільні і прыхільныя беларускай справе літоўцы адзначылі 103-і год абвяшчэння БНР вялікім вечаровым шэсцем з 300-метровым беларускім сцягам.

Фота Уладзіслава Гарбацкага

Ад Бернардынскага парку святочныя маніфестанты прайшлі праз цэнтр да амбасады Беларусі.

Цэлы дзень у сталіцы Літвы ладзіліся імпрэзы ў гонар свята, як ніколі моцна напоўненага менавіта сёлета сімвалізмам і верай у свабоду і незалежнасць.

Сярод прысутных заўважаліся як мясцовыя даўнія беларусы, так і палітычныя ці гуманітарныя ўцекачы. Далучылася да калоны і Святлана Ціханоўская.

Фота Уладзіслава Гарбацкага

Таксама літоўцы сем’ямі далучаліся да шэсця і безупынку падтрымлівалі маніфестантаў воклічамі «Жыве Беларусь!» з вокнаў і балконаў дамоў, пад якімі праходзіла шэсце.

Віленскія зачыненыя крамы і рэстараны знутры былі ўпрыгожаныя бел-чырвона-белымі сцягамі — віленцы і ў кавід салідарныя з суседзямі.

Фота Уладзіслава Гарбацкага

Фота Уладзіслава Гарбацкага

Фота Уладзіслава Гарбацкага

Фота Уладзіслава Гарбацкага

Дзень Волі завяршыўся памяццю пра загінулых і арыштаваных у Беларусі за апошнія месяцы і вялікім феерверкам.

Фота Уладзіслава Гарбацкага

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: