«Абараняй свае правы!» Па ўсёй Беларусі прайшла акцыя праваабаронцаў (фота)

Праваабаронцы «Вясны» днямі правялі традыцыйную інфармацыйную акцыю з раздачай газет. У гэты раз спецвыпуск быў падрыхтаваны сумесна з рэдакцыяй газеты «Новы Час». Спецыяльны выпуск пад назвай «Абараняй свае правы!» быў прысвечаны правядзенню мірных сходаў у Беларусі і абароне экалагічных правоў.
Праваабаронцы і валанцёры "Вясны" пры раздачы спецвыпуску ў Мінску

Праваабаронцы і валанцёры "Вясны" пры раздачы спецвыпуску ў Мінску


Спецвыпуск акцэнтаваўся на абароне правоў на чыстае і здаровае навакольнае асяроддзя ў Брэсце, Светлагорску, Магілёве і Наваполацку. Пра тое, як праходзіла акцыя, распавядае праваабарончы сайт spring96.org.

На вуліцах Мінску праваабаронцы і валанцёры "Вясны" Алесь Бяляцкі, Зміцер Салаўёў, Алена Лапцёнак, Юры Мяцельскі распаўсюджвалі спецвыпуск у пятніцу. Людзі ахвотна бралі газеты і цікавіліся тэмай абароны экалагічных правоў і мірных сходаў. Некаторыя людзі нават прасілі сфатаграфавацца з праваабаронцамі.

Алесь Бяляцкі пры раздачы "Новага Часу"

Алесь Бяляцкі пры раздачы "Новага Часу"



Алена Лапцёнак раздае спецвыпуск "Новага Часу"

У Магілёве праваабаронцы і валанцёры "Магілёўскай Вясны" Барыс Бухель, Алесь Буракоў, Зміцер Добры, акрамя раздачы на вуліцах, распаўсюджвалі газеты і па паштовых скрынях.

Праваабаронцы "Магілёўскай Вясны" Барыс Бухель і Алесь Буракоў

Праваабаронцы "Магілёўскай Вясны" Барыс Бухель і Алесь Буракоў


“Людзі адгукаліся і актыўна бралі ў праваабаронцаў "Новы Час". Некаторыя цікавіліся праблемамі экалогіі ў Магілёве. Для іх мы праводзілі невялікі лікбез па тых экалагічных праблемах, якія існуюць у горадзе. У прыватнасці, распавядалі пра патэнцыйную пагрозу ад прадпрыемстваў, якія знаходзяцца ў свабоднай эканамічнай зоне "Магілёў" на пляцоўцы нумар чатыры”, — каментуе акцыю магілёўскі праваабаронца Алесь Буракоў.

Алесь Буракоў і Зміцер Добры на вуліцах Магілёва з газетай "Новы Час"

Алесь Буракоў і Зміцер Добры на вуліцах Магілёва з газетай "Новы Час"


У Светлагорску з раздачай спецвыпуска, прысвечанага абароне экалагічных правоў, былі складанасці з-за экалагічных праблемаў, як бы парадаксальна гэта не гучала. Як распавядае праваабаронца "Вясны" Алена Маслюкова, у нядзелю ўвесь горад накрыла смуродам ад завода беленай цэлюлозы, таму на плошчы стаяць было немагчыма. Негледзячы на гэтыя акалічнасці, праваабаронцы ўсё ж такі зладзілі інфармацыйную акцыю ў Светлагорску.

Светлагорскія праваабаронцы і экаактывісты

Светлагорскія праваабаронцы і экаактывісты


“Людзі нават прапаноўвалі нам дапамогу”, — адзначае Алена Маслюкова.

Светлагорскія праваабаронцы і экаактывісты

Светлагорскія праваабаронцы і экаактывісты


Інфармацыйная акцыя ў Берасце супала са святам, прысвечанаму 1000-годдзю горада. Праваабаронца "Вясны" Уладзімір Вялічкін адзначыў, што людзі з вялікай ахвотай бралі спецвыпуск і размаўлялі пра "набалелае".

Праваабаронца "Вясны" Уладзімір Вялічкін раздае спецвыпуск

Праваабаронца "Вясны" Уладзімір Вялічкін раздае спецвыпуск


Берасцейцы чытаюць пра экалагічныя праблемы свайго горада

Берасцейцы чытаюць пра экалагічныя праблемы свайго горада


Да агульнай акцыі далучыліся таксама гарадзенцы. Праваабаронцы “Вясны” Андрэй Коця і Віктар Сазонаў, а таксама праваабаронца БХК Раман Юргель раздалі на вуліцах горада 1000 экзэмпляраў спецвыпуску газеты.

Праваабаронцы Віктар Сазонаў і Раман Юргель раздаюць спецвыпуск газеты "Новы Час"

Праваабаронцы Віктар Сазонаў і Раман Юргель раздаюць спецвыпуск газеты "Новы Час"


“Гарадзенцы з задавальненнем бралі газеты. Праваабаронцы ледзь паспявалі даставаць з торбаў новыя партыі. Людзі ўступалі ў размовы і цікавіліся рознымі пытаннямі. Стараліся зразумець, што адбываецца ў краіне”, — распавядаюць на сваім сайце гарадзенскія праваабаронцы.

Праваабаронцы Раман Юргель і Андрэй Коця раздаюць спецвыпуск газеты "Новы Час"

Праваабаронцы Раман Юргель і Андрэй Коця раздаюць спецвыпуск газеты "Новы Час"


Інфармацыйная акцыя прайшла і ў Смаргоні. Яе правёў праваабаронца "Вясны" Алесь Дзергачоў, які распаўсюдзіў на вуліцах раённага гарадка каля 350 асобнікаў газеты. Спецвыпуск “Абараняй свае правы!” быў распаўсюджаны і на фестывалі бардаўскай песні «Бітва пад Оршай». Раздачу арганізаваў праваабаронца "Вясны" Ігар Казмерчак.

Праваабаронца "Вясны" Ігар Казмерчак на фестывале "Бітва пад Воршай"

Праваабаронца "Вясны" Ігар Казмерчак на фестывале "Бітва пад Воршай"


Рэдакцыя газеты “Новы Час” нагадвае, што спецвыпуск можна набыць у шапіках "Белсаюздруку".

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!