Абвалілася шахта «Беларуськалію». Пад заваламі людзі

9 сакавіка ў рудніку трэцяга рудаўпраўлення «Беларуськалію» адбылося надзвычайнае здарэнне, паведамляе Радыё Свабода.
Міністэрства па надзвычайных сытуацыях паведаміла, што адбыўся выкід газу мэтану і абвальванне пароды. Пад заваламі ў шахце апынуліся два работнікі.

У паведамленні МНС гаворыцца: «Паводле папярэдняй інфармацыі пры праходцы горнай выпрацоўкі на 22б заходняй панэлі гарызонту -620 мэтраў адбылося абвальванне парод даху з выкідам газу (мэтан) і солі з масыву.

На дадзеным участку знаходзіліся двое рабочых. Работнікамі ваенізаванай горнавыратавальнай часткі прадпрыемства праведзены работы па разгазаванню дадзенага ўчастку для зніжэння канцэнтрацыі пароў мэтану ў паветры і пачатыя работы па разборцы завалы. Прычына таго, што адбылося, высвятляецца».

Дзяжурны Міністэрства па надзвычайных сітуацыях сказаў Радыё Свабода, што не ўпаўнаважаны даваць дадатковую інфармацыю пра здарэнне.

Хочаце ведаць больш? Сачыце за нашымі публікацыямі ў Telegram і Facebook!

Каментаваць