Адрасціўшы бараду, будзь гатовы да суду!

Вядомы актывіст Валер Шчукін атрымаў позву за акцыю, на якой яго не было.

Валеру Шчукіну прыйшла смс-позва: у Маладзечанскі РАУС яго запрасіў старэйшы лейтэнант Ахмедаў.

Прычынай стала акцыя супраць прымусовай працы школьнікаў, якую ў Маладзечна правялі актывісты «Альтэрнатывы». Акцыя адбылася ў Дзень барацьбы за адмену рабства, які адзначаецца штогод 2 снежня.

Але справа ў тым, што Шчукіна на той акцыі не было.


У ёй удзельнічаў зусім іншы барадаты чалавек. Праўда, барада ў яго чорная, а не сівая, як у Валерыя Аляксеевіча, і не такая каларытная.

— Напэўна, хочуць,  каб я сустрэў Новы год у камеры, — кажа Валер Аляксеевіч «Нашаму дому». — Але я ўжо праводзіў час такім чынам. Ведаю, што гэта такое.

Такую ўвагу да Валера Шчукіна з боку маладзечанскіх чыноўнікаў, актывісты «Нашага дома»звязваюць з яго публікацыямі пра суды па справе аб смерці на бульбяным поле 13-гадовай школьніцы, якія праходзілі ў Маладзечна. 



Хочаце ведаць больш? Сачыце за нашымі публікацыямі ў Telegram і Facebook!