Адвакат Андрэй Мачалаў: «Поўны аптымізму і буду працаваць далей»

Пра тое, што адваката пазбавілі ліцэнзіі, Мачалаву расказала сёння суддзя — на працэсе над Вольгай Сінялёвай, мінчанкай, якая выселіла з кватэры пракурорку Аліну Касьянчык.
Адвакат Андрэй Мачалаў / Еўрарадыё

Адвакат Андрэй Мачалаў / Еўрарадыё

«Сёння я даведаўся, што Калегія адвакатаў даслала ў суд нейкі ліст, з якога вынікае, што з 31 траўня я быў з яе выключаны», — распавядае Еўрарадыё адвакат Андрэй Мачалаў, які ўвесь апошні год займаўся абаронай удзельнікаў палітычных спраў у Беларусі.

Пра тое, што яго пазбавілі ліцэнзіі, Мачалаву расказала суддзя — на працэсе над Вольгай Сінялёвай, мінчанкай, якая выселіла з кватэры пракурорку Аліну Касьянчык.

Па словах адваката, прычына, з якой яго выключылі, звязаная з абаронай маці пяцярых дзяцей Вольгі Залатар. Нібыта ён недзе расказаў, што мае інфармацыю, што супраць яе падчас следчых дзеянняў ужываўся гвалт.

18 чэрвеня суд адхіліў спецыяліста ад абароны Вольгі Сінялёвай. Акрамя таго, цяпер Мачалаў не зможа абараняць кліентаў па гучных справах TUT.by і Прэс-клуба.

Ціск на адвакатаў, якія абараняюць “палітычных”, не кропкавы. Адным з апошніх, каго выключылі з калегіі, быў адвакат Сяргей Зікрацкі. Пасля гэтага ён паехаў за мяжу. Што збіраецца рабіць Андрэй Мачалаў?

“Я поўны аптымізму і буду працаваць далей, але ў іншым фармаце, — кажа спецыяліст. — Магчыма, буду дапамагаць іншым адвакатам, але без выступаў у судзе. З’язджаць нікуды не збіраюся. Я нікуды не паеду, бо мой дом тут”.

euroradio.pl

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: