Актывіста Пятра Маркелава асудзілі на 10 сутак за «ляжанне на лаўцы»

У сераду, 13 траўня, суд Савецкага раёна Мінска асудзіў актывіста Пятра Маркелава на 10 сутак адміністрацыйнага арышту.


Суддзя В. Галоўкава абвінаваціла актывіста па двум адміністрацыйным артыкулам: 17.1 (хуліганства) і 23.4 КаАП (непадпарадкаванне) за тое, што ён "з хуліганскіх памкненняў ляжаў на лаўцы". Судовы працэс адбываўся праз відэасувязь Skype. Па інфармацыі "Моладзевага блоку", трансляцыя з Пятром Маркелава адбывалася з ЦІП.

Нагадаем, 11 траўня супрацоўнікі міліцыі затрымалі актывіста Пятра Маркелава ў судзе Савецкага раёна Мінска, калі ён чакаў суды над актывістамі "Моладзевага блоку". Як паведамляюць актывісты ЗБС, яго затрымалі нібы за тое, што ён ляжаў у судзе на лаўцы і не хацеў даваць дакументы. Дакументы міліцыянты ў яго запатрабавалі, бо нібы Маркелаў падобны на чалавека, які знаходзіцца ў вышуку. У Савецкім РУУС на яго склалі два пратаколы па артыкулам 17.1 КаАП (хуліганства) і 23.4 КаАП (непадпарадкаванне). З панядзелка ён знаходзіўся ў ЦІП.

spring96.org

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: