Аліну Літвінчук чакае суд за супрацу з Радыё Рацыя

Журналістцы-фрылансеру з Брэста Аліне Літвінчук пагражае штраф да 50-ці базавых велічынь за супрацу з Беларускім Радыё Рацыя. На яе заведзена адміністрацыйная справа па артыкуле 22.9 частка другая – «незаконны выраб і распаўсюд прадукцыі СМІ».

spring96.org

spring96.org

— Цікава, што пацярпелай па справе праходзіць асоба, у якой журналістка брала інтэрв’ю, – распавяла Беларускаму Радыё Рацыя Аліна Літвінчук.

 — Мне патэлефанавалі ў пятніцу і запрасілі прыйсці ў міліцыю. Ад дачы тлумачэнняў я адмовілася. Я брала інтэрв’ю ў Святланы Рабцавай, бібліятэкаркі. Яна адна з арганізатарак мерапрыемства, якое праводзілася супольна з польскім кансулятам. Як высветлілася, Святлана выступае не ў якасці сведкі, а ў якасці пацярпелай. Прычым у інтэрв’ю Радыё Рацыя яна казала, што вельмі рада ўдзельнічаць у беларуска-польскім мерапрыемстве. І хацела б і далей спрыяць наладжванню стасункаў паміж Беларускай і Польскай дзяржавамі.

Журналістцы не далі магчымасці азнаёміцца з матэрыяламі справы і даведацца, чаму Святлана Рабцава лічыць сябе пацярпелай па гэтай справе. Суд над Алінай Літвінчук пройдзе 18 кастрычніка. Як нагадвае журналістка, у перыяд з 2014 па 2016 год на яе было заведзена 7 падобных пратаколаў. Па пяці з іх Аліну Літвінчук аштрафавалі агулам больш як на 100 базавых велічынь. Па дзвюх справах суд прызнаў, што няма доказаў віны абвінавачанай.  

Spring96.org

Хочаце ведаць больш? Сачыце за нашымі публікацыямі ў Telegram і Facebook!

Каментаваць