Аналітык: У Беларусі некуды «зніклі» каля 45 тысяч чалавек

Аналітык Мікалай Кацук на падставе зробленай паводле інфармацыі Белстату інфаграфікі па дэмаграфічнай статыстыцы выявіў паказальныя змены велічыні смяротнасці ў Беларусі за 2020 год.

Пры параўнанні колькасці насельніцтва напачатку мінулага і 2021 года і навуковай ацэнцы нараджальнасці і міграцыі за мінулы год (аналітык адпаведна дапускае, што паказнікі могуць складаць 80 тысяч і 25 тысяч), леташні меркаваны ўзровень смяротнасці, паводле навукоўца, павялічваецца прыкладна на 45 тысяч чалавек адносна афіцыйнай статыстыкі за 2019 год.

Але і з афіцыйнай статыстыкай за мінулыя гады не ўсё гладка. У звестках Белстату лічба папуляцыя за 2018 год пры яе пераносе на перыяд для разліку папуляцыі за наступны год змяншаецца. Невядома куды знікае 45 тысяч чалавек(!) То-бок, Белстат у 2018 годзе дзесьці згубіў 45 тысяч чалавек, якія не памерлі і не з’ехалі. Аналітык гэта тлумачыць тым, што Белстат яшчэ не заўважыў памылку ў сваіх маніпуляцыях і пакуль не даў праўдападобнага тлумачэння (не схаваў зніклых, напрыклад, у графу «міграцыя»).

Белстат, паводле Мікалая Кацука, трапіў у складаную сітуацыю. Хаця смяротнасць засакрэчана, патлумачць знікненне 45 тысяч чалавек не так проста.


Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: