Андрэя Пачобута ўганаравалі Галоўнай прэміяй «За свабоду слова» Асацыяцыі польскіх журналістаў

Гродзенскі журналіст, палітвязень Андрэй Пачобут, чалец галоўнай рады «Саюза палякаў Беларусі», які цяпер знаходзіцца ў турме, быў уганараваны Галоўнай прэміяй «За свабоду слова» Асацыяцыі польскіх журналістаў, паведамляе «Радыё Рацыя».

Падвядзенне вынікаў 28-га конкурсу Асацыяцыі польскіх журналістаў адбылося 17 чэрвеня ў Варшаве. 

Такім чынам, узнагароду «За свабоду слова» за Андрэя Пачобута, які знаходзіцца за кратамі з 25 сакавіка, атрымала дырэктарка тэлекампаніі «Белсат» Агнешка Рамашэўская-Гузы. 

Падчас мерапрыемства на сцэне былі змешчаныя выявы ўсіх беларускіх журналістаў, якія цяпер знаходзяцца за кратамі, коратка распавялі пра кожнага з іх. 




Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: