Асноўная прадукцыя «Беларуськалію» пад санкцыі ЕС, верагодна, не трапіла

Рашэнне ЕС пра сектаральныя санкцыі супраць беларускага рэжыму мае шэраг важных дэталяў, пазначаных у дадатку, паведамляе «Еўрарадыё».

Напрыклад, з фінансавымі інструментамі ЕС цяпер не змогуць працаваць толькі Беларусбанк, Белаграпрамбанк і Белінвестбанк.

Забароненыя калійныя ўгнаенні, што ўтрымліваюць менш за 40% калію або больш за 62%. Асноўная прадукцыя беларускіх заводаў змяшчае ад 40% да 60% калію — гэта значыць, што абмежаванні частковыя. Але ёсць у санкцыях і такі пункт — "усе іншыя" ўгнаенні з каліем. Што гэта значыць, не да канца зразумела.

З прадукцыі для вытворчасці тытуню ў Беларусь з ЕС нельга ўвозіць фільтры, паперу для тытуню, араматызатары і тэхніку для вырабу цыгарэт.

Нафтапрадукты для экспарту, мяркуючы па ўсім, забароненыя толькі цёмныя — напрыклад, бітум. Бензін пастаўляць у Еўропу, верагодна, па-ранейшаму можна.



Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: