«Асоба, схільная да захопу закладнікаў». Палітзняволеную Паліну Шарэнда-Панасюк паставілі на прафулік

Брэсцкую актывістку «Еўрапейскай Беларусі», палітзняволеную Паліну Шарэнда-Панасюк адміністрацыя Гомельскай жаночай калоніі паставіла на прафілактычны ўлік як «асобу, схільную да захопу закладнікаў, нападу на адміністрацыю, хуліганскіх праяў».
Фото: "Радыё "Свабода"

Фото: "Радыё "Свабода"


Пра гэта Reform.by распавёў муж палітзняволенай Андрэй Шарэнда. Таксама мужчына дадаў, што адміністрацыя калоніі склала на Паліну тры пратаколы, а сама яна да сярэдзіны верасня знаходзілася ў ШІЗА.

Паліна Шарэнда-Панасюк знаходзіцца за кратамі з 3 студзеня. Яе асудзілі на два гады пазбаўлення волі, абвінаваціўшы ва ўжыванні гвалту ў дачыненні да міліцыянтаў і іх абразе, а таксама ў абразе Аляксандра Лукашэнкі. Супраць Андрэя Шарэнды заведзена дзве крымінальныя справы: па арт. 361 КК («Заклікі да дзеянняў, якія наносяць шкоду нацыянальнай бяспецы») і па арт. 368 КК («Абраза прэзідэнта»). 31 траўня мужчыну змясцілі пад хатні арышт. Першае судовае пасяджэнне ў судзе Маскоўскага раёна Брэста было прызначана на 28 чэрвеня. Але Шарэнда на суд не з'явіўся, і суддзя абвясціла яго ў вышук. Крыху пазней стала вядома, што Андрэй збег з Беларусі, нелегальна перайшоўшы мяжу.

Раней муж Паліны паведаміў, што Шарэнда-Панасюк двойчы адмовілася пісаць прашэнне аб памілаванні.

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: