«Атрымалі заданне пратрымаць некалькі гадзін». Вольга Семчанка пра сваё затрыманне

Сёння раніцай супрацоўніцу Магілёўскага драмтэатра Вольгу Семчанка затрымалі на працы.

Вольга Семчанка распавяла карэспандэнту МогилевОнлайн, што яе затрымалі каля 8.30 раніцы. Спачатку прычынай назвалі выцінанкі, якія вісяць у акне яе працоўнага кабінета. Па дарозе ў аддзяленне міліцыі прычына змянілася — пачалі распытваць пра падпал аўтамабіля на Дняпроўскім бульвары.

— Я папрасіла супрацоўнікаў адказаць сумленна, ці ёсць у іх заданне пратрымаць нас да пэўнага часу, і яны адказалі, што ёсць, — распавяла Семчанка. — Са мной былі яшчэ два чалавекі, з намі правялі «прафілактычную гутарку», склалі пра гэта пратаколы. Каля 13-й гадзіне мяне адпусцілі.

Нагадаем, Вольга Семчанка раней адбывала суткі адміністрацыйнага арышту паводле арт. 23.34 КААП РБ. Яна — адзіная жанчына ў Магілёве, каму суд прысудзіў суткі адміністрацыйнага арышту за ўдзел у акцыях пратэсту.

Паводле mogilev.online

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: