Бацькоў кінулі за краты, пакінуўшы дома шасцігадовага сына аднаго

Затрыманую 5 чэрвеня ў Мінску нібыта за ўдзел у несанкцыянаваным масавым мерапрыемстве Алену Лазарчык ў той жа дзень змясцілі да суду ў ізалятар часовага ўтрымання на Акрэсціна.
За дзень да гэтага такім жа чынам быў затрыманы і яе муж — актывіст Сяргей Мацкойць.

Дома, без нагляду бацькоў, застаўся іх шасцігадовы сын.

Праваабаронцы занепакоеныя і абураныя такім дзікім паводзінамі супрацоўнікаў міліцыі Кастрычніцкага РУУС Мінска і бачаць у іх дзеяннях прыкметы перавышэння службовых паўнамоцтваў.

Праваабаронца «Вясны» Аляксей Лойка звярнуўся ў ГУУС МУС з патрабаваннем неадкладна вызваліць Лазарчык Алену Мікалаеўну, якая другія суткі ўтрымліваецца ў ізалятары на Акрэсціна.

«Такія дзеянні міліцыі з'яўляюцца грубым парушэннем ч. 2 ст.6.7 КаАП, якая забараняе арыштоўваць жанчын і адзінокіх мужчын, якія маюць непаўналетніх дзяцей. Гэта з'яўляецца перавышэннем службовых паўнамоцтваў, так як Алена мае сына 2013 года нараджэння» — заяўляе ён.

Таксама праваабаронца звязваўся напрамую з ГУУС Мінгарвыканкама па тэлефоне даверу.

Трубку падняў падпалкоўнік міліцыі апэратыўны дзяжурны МУС Андрэй Дземідчук, які адказаў, што трэба звяртацца з пісьмовай заявай у МУС, яны дадуць адказ, альбо ў пракуратуру альбо ў Следчы камітэт.

Між тым — зараз выходныя, і дзіця на гэтыя дні застанецца без апекі бацькоў.

spring96.org

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: