Patryjoty 1200 100 2e1c7308a3a48a13db21bf292e831989ae0299303b01379966627b13afde24a1

Беларус фінішаваў у адным з самых цяжкіх марафонаў з нацыянальным сцягам

Журналіст Зміцер Ягораў узяў удзел у Афінскім класічным марафоне ў Грэцыі, гісторыі якога больш за 2,5 тысячы гадоў, паведамляе Радыё Свабода. Яна звязаная з паданнем пра грэцкага героя Фідзіпіда, які бег з навіною ад Марафона да Афінаў, каб абвесціць аб перамозе грэкаў над пэрсамі. Учынак Фідзіпіда скончыўся для яго трагічна, ён памёр на фінішы.

Афінскі класічны марафон лічыцца адным з самых складаных.

Зміцер Ягораў прабег 42 кіламетры за 4 гадзіны 17 хвілінаў 33 секунды. На 16.45 мінскага часу беларус быў на 5 476 месцы. Сёлета ў забегу прымаюць удзел каля 18 500 чалавек.

«З сабою я ўзяў наш сцяг, бо ён дадае сілы на апошніх кіламетрах. Калі яго разгортваеш, то разумееш, што застаецца толькі адное — наперад. Забываешся на момант на боль, стому. Гэта вельмі хвалюючы момант для мяне» — распавёў Зміцер Ягораў.

Ён быў не адзіным беларусам у Афінскім класічным марафоне. У ім бралі ўдзел і сябры мінскага клубу I run.

Зміцер Ягораў працуе на Белсаце. Ён вядзе блог, дзе дзеліцца досведам, як пачаць бегаць з нуля.

Каментаваць