Беларусь прыпыніла выкананне міжнародных аўтобусных рэйсаў

Дзяржаўнае транспартнае прадпрыемства «Мінсктранс» прыпыніла міжнародныя аўтобусныя рэйсы з Беларусі з вечара 29 кастрычніка пасля ўвядзення абмежаванняў на ўезд грамадзян з Латвіі, Літвы, Польшчы і Украіны, паведаміла «Свабода».

Ілюстрацыйнае фота  «Свабоды»

«У сувязі з абмежаваннем на ўезд на тэрыторыю Рэспублікі Беларусь з 19.00 29 кастрычніка часова прыпынена выкананне рэйсаў па міжнародных маршрутах», — паведаміў «Мінсктранс» у сваім тэлеграм-канале.

Раней Дзяржаўны памежны камітэт паведаміў, што Беларусь часова абмежавала ўезд на сваю тэрыторыю праз наземныя пункты пропуску асобных катэгорый фізічных асобаў з Латвіі, Літвы, Польшчы і Украіны ў сувязі з эпідэмічнай сітуацыяй у сумежных краінах.


Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

  • Апошняе на сайце
,

Больш цікавага на «Новым Часе»: