Беларусь у рэйтынгу здаровых краін заняла 81-е месца

Агенцтва Bloomberg апублікавала свой штогадовы міжнародны рэйтынг краін свету па ўзроўні здароўя насельніцтва — Healthiest Country Index.
У даследаванні, на падставе дадзеных Сусветнай арганізацыі аховы здароўя, аддзела народанасельніцтва ААН і Сусветнага банка, была праведзена ацэнка 169 краін свету з пункту гледжання шэрагу фактараў, якія аказваюць уплыў на здароўе насельніцтва. У рэйтынгу ўлічваліся працягласць жыцця, курэнне, рызыка смерці ад перадазіроўкі наркотыкаў, атлусценне насельніцтва, а таксама экалагічныя фактары — доступ да чыстай вады, санітарныя ўмовы і іншыя паказчыкі.

На першым месцы — Іспанія. Далей у першай дзесятцы — Італія, Ісландыя, Японія, Швейцарыя, Швецыя, Аўстралія, Сінгапур, Нарвегія і Ізраіль.

Беларусь у рэйтынгу — на 81-м месцы. Значна апярэджваюць нашу краіну Куба (30), Чылі (33), Турцыя (51), Іран (69.). Расія заняла толькі 95-е месца, Украіна — 93-е.

Адзначаецца таксама, што сур’ёзны ўплыў на ўзровень здароўя нацыі аказваюць харчовыя звычкі. Так, жыхары краін, дзе пераважае «міжземнаморская дыета», радзей хварэюць сардэчна-судзінкавымі захворваннямі, чым, напрыклад, жыхары краін, якія проста спажываюць невялікую колькасць тлушчаў.

У Паўночнай Амерыцы Канада (16-е месца) значна апярэдзіла ЗША (35) і Мексіку (53) па чаканай працягласці жыцця. Эксперты патлумачылі гэта значна больш нізкім рызыкай смерці ад перадазіроўкі наркотыкаў і самагубстваў.

Куба (30-е месца) ў рэйтынгу апынулася на пяць радкоў вышэй ЗША. Даследнікі патлумачылі гэта развітой сістэмай прафілактычнай медыцыны і наяўнасцю праграм выяўлення небяспечных захворванняў на ранняй стадыі.

27 з 30 самых нездаровых краін знаходзяцца ў Афрыцы на поўдзень ад Сахары (астатнія тры — Гаіці, Афганістан і Емен).

У рэйтынг увайшлі краіны з насельніцтвам не менш за 300 тыс. чалавек «і дастатковымі дадзенымі».

Паводле thinktanks.by

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: