«Беларускі Данбас». У Мінску прэзентавалі кнігу палітзняволенай Кацярыны Андрэевай і Ігара Ільяша

Супольная кніга Кацярыны Андрэевай і Ігара Ільяша «Беларускі Данбас», выдадзеная ва Украіне мінулым летам, упершыню прэзентаваная ў Беларусі. Літаральна некалькі асобнікаў, бо наклад рызыкуе быць арыштаваным на мяжы, і без суаўтаркі, якая цяпер знаходзіцца ў зняволенні. Імпрэза адбылася ў амбасадзе Украіны ў Мінску 19 лютага і прымеркавалася да сёмай гадавіны Рэвалюцыі годнасці.

Праца над кнігай у Кацярыны і Ігара заняла некалькі гадоў, піша «Белсат». Яна паказвае людзей, што ваявалі на Данбасе як з аднаго, так і другога боку, а таксама раскрывае шэраг спадарожных пытанняў, якімі тэма абрасла за гады працы над ёй. Гэта, напрыклад, асабістае стаўленне беларускіх спецслужбоўцаў да ўдзельнікаў канфікту, нелегальны гандаль беларускіх прадпрыемстваў, у тым ліку дзяржаўных, з фірмамі, што паводле СБУ фінансуюць тэрарызм ва Украіне, лёс беларусаў, што ваявалі ў групе Вагнэра, ды іншыя.

Падрабязна пра кнігу «Беларускі Данбас» «Новы Час» расказваў летам. Глядзіце тут.


Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: