Беларускія турфірмы прапануюць турыстам зрабіць прышчэпку ў Львове, Румыніі ці Турцыі

У Беларусі турыстычныя фірмы сталі прапаноўваць замежныя туры для прышчэпкі ўхваленай у свеце вакцынай ад каронавіруса. Паехаць прапануюць у Львоў, Румынію, Турцыю, а ў будучыні плануецца яшчэ і Харватыя, піша Саюз турыстычных арганізацый Беларусі.

Так, за 85 еўра і 50 рублёў прапануюць тур на Львоўшчыну, каб атрымаць прышчэпку вакцынай Pfizer. Таксама прапануюць тур пад назвай "Таямніцы Трансільваніі" ў Румынію, чый кошт складае 290 еўра і 90 рублёў. Вакцынацыя праводзіцца ў Бухарэсце прэпаратам J & J.

Атрымаць прышчэпку ўхваленай у ЕМА вакцынай турысты могуць яшчэ ў Турцыі. Там можна прышчапляцца вакцынамі Pfizer, Moderna і AstraZeneca. Паведамляецца, што да сярэдзіны лістапада лётаюць чартары ў Анталію, а на працягу года можна скарыстацца прамым рэйсам у Стамбул. Замежнікаў вакцынуюць у краіне бясплатна.

Акрамя таго, беларускія кампаніі таксама разглядаюць магчымасць тураў у Харватыю, паколькі цяпер у краіне няма каранціну для турыстаў, для ўезду дастаткова паказаць толькі адмоўны ПЦР-тэст. У беларускіх туркампаніях ужо абмяркоўваюць магчымасць арганізацыі такіх тураў.

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: