Беларусы сталі менш піць

Аб зніжэнні спажывання беларусамі спіртных напояў сведчыць новае даследаванне Белстата і ЮНІСЕФ.
У 2019 годзе Белстат па ініцыятыве ЮНІСЕФ праводзіў шосты раунд шматіндыкатарнага кластэрнага даследавання хатніх гаспадарак для ацэнкі становішча непаўналетніх грамадзян і жанчын у Беларусі — (МІКС6). Яго вынікі былі прадстаўлены ў Мінску сёння, 30 студзеня.

У ходзе аналагічнага даследавання 2012 высветлілася, што алкаголь на працягу апошняга месяца спажывалі 74% мужчын і 61% жанчын. Пры гэтым ва ўжыванні алкаголю ва ўзросце да 15 гадоў прызналася 9% хлопчыкаў і 4% дзяўчынак.

У ходзе даследавання 2019 года аказалася, што беларусы некалькі суцішылі свае алкагольныя прыхільнасці. На гэта раз у спажыванні алкаголю за апошні месяц паведаміла 67% мужчын і 47% жанчын. Сярод падлеткаў ва ўзросце да 15 гадоў у мінулы месяц алкаголем песціліся 7% хлопчыкаў і 3% дзяўчынак.

У апытанні прыняло ўдзел каля 9 тысяч сем’яў.

Паводле thinktanks.by

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: