Бізнесмен аддаў аўто дзяржаве. А дзяржава прадае яго як грузавік

Прадпрымальнік адмовіўся ад аўто на карысць дзяржавы: высветлілася, што ў мытнай дэкларацыі ён указаў недакладныя звесткі — яго Mercedes Vito апынуўся пасажырскім, а не грузавым.
У 2013 годзе бізнэсмэн Дзяніс Кухта прывёз у Беларусь з Германіі мікрааўтобус Mercedes Vito. Пры ўвозе мужчына скарыстаўся ільготамі, якія надаваў прэзідэнцкі дэкрэт № 6 — прыватнікаў з рэгіёнаў вызвалялі ад выплаты ўвазных мытных пошлін і ПДВ за грузавыя аўтамабілі.

Праз тры гады мытня даслала ліст Дзянісу: Vito — гэта не грузавік, а пасажырскі мікрааўтобус, бо ў грузавы частцы ёсць два вакна. Значыць мытныя плацяжы і падатак трэба даплаціць, яшчэ прадпрымальніку далі штраф за пратэрміноўку аплаты мытных плацяжоў — 20% ад сумы доўгу.

Больш за год сышло на суды — бізнэсмэн спрабаваў даказаць, што аўтамабіль грузавы — ёсць заключэнне завода-вытворцы. Таксама ён спрабаваў высветліць, чаму супрацоўнік мытні пры ўвозе не паведаміў, што яго Mercedes Vito лічыцца пасажырскім. Дзяніс дайшоў да Вярхоўнага суда, але яго скаргі засталіся без задавальнення.

Доўг Дзяніса Кухты па мытных плацяжах, набеглай пене і штрафу вясной 2017 года складаў каля 30 тысяч еўра. Пры гэтым кошт яго Mercedes Vito — не больш за 6 тысяч еўра.

— Для мяне быў адзін выхад — адмовіцца ад спрэчнага Mercedes Vito на карысць дзяржавы. Тады мытныя плацяжы і пені з мяне будуць знятыя, — сказаў прадпрымальнік.

У красавіку Дзяніс Кухта напісаў адмову ад машыны. Мытныя плацяжы і пеню ён плаціць не павінен, але штраф за пратэрміноўку — 5500 рублёў і судовыя выдаткі — 1900 рублёў бізнэсмэн павінен пакрыць.

— Пазбавіўся машыны і яшчэ застаўся павінен 3700 даляраў, — канстатуе Дзяніс. — Грошай няма — я па ранейшаму без працы. Таму буду доўг выплачваць маленькімі часткамі, па меры магчымасці.

А нядаўна Дзяніс Кухта даведаўся, што яго машыну з пачатковым коштам больш за 9 тысяч даляраў прадае праз аўкцыён ГД «Усходні».

— А вось тут абсурд — ў аб'яве аб продажы аўтамабіля адзначана, што гэта грузавы аўтамабіль. Але гэта ж ўвядзенне ў зман патэнцыйных пакупнікоў! Бо ўсё разборы пачаліся з-за таго, што Mercedes быў прызнаны пасажырскім, і аддаць яго мне давялося па гэтай жа прычыне. А зараз прадаюць яе як грузавы! — абураецца прадпрымальнік. — Хто ведае, у што ў будучыні можа ўляпацца пакупнік гэтага лота ...

Памылку ў аб'яве выключылі ў ГД «Усходні». Карэспандэнту паведамілі, што інфармацыю ў аб'явах на выстаўленыя на продаж аўто «пішуць не проста так, а на падставе дакументаў, якія суправаджаюць аўтамабіль».

— На гэты Mercedes Vito ёсць тэхпашпарт, даведка з аўтамабільнага дома «Энергія ГмбХ», а таксама акт перадачы для рэалізацыі аўто, выдадзены Дэпартаментам па гуманітарнай дзейнасці па Мінску і Мінскай вобласці. Ва ўсіх гэтых дакументах напісана, што гэты аўтамабіль — грузавы аўтамабільны фургон, — распавялі ў секцыі па продажы аўтамабіляў ГД «Усходні».


Паводле tut.by

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: