Бязвыплатная дапамога медыкам: чаму так шмат абмежаванняў і што трэба рабіць

Цэнтр прававой трансфармацыі «Lawtrend» пры падтрымцы Асамблеі НДА Беларусі падрыхтаваў петыцыю аб ліквідацыі абмежаванняў на прадастаўленне і выкарыстанне бязвыплатнай дапамогі, у тым ліку і той, што накіроўваецца для барацьбы з COVID-19.

Петыцыю, якая будзе накіраваная ў Адміністрацыю прэзідэнта, Нацыянальны цэнтр заканадаўства і прававых даследаванняў Рэспублікі Беларусь, Савет Міністраў і Палату прадстаўнікоў, ужо падпісала больш за 1500 чалавек.

Ініцыятары калектыўнага звароту заклікаюць пазнаёміцца з поўным тэкстам петыцыі і пакінуць свой подпіс пад ёй.

Аўтары звароту нагадваюць, што дзеючае заканадаўства Рэспублікі Беларусь утрымлівае шэраг норм, якія перашкаджаюць развіццю дабрачыннасці і абцяжарваюць рэалізацыю важных дабрачынных праектаў, у тым ліку прыцягненне бязвыплатнай дапамогі ўнутры краіны і з-за мяжы.

На фоне барацьбы з пандэміяй COVID-19 гэтая праблема стала вельмі вострай:

— гуманітарная дапамога праходзіць працяглую працэдуру рэгістрацыі,

— беларусы, якія стала пражываюць за мяжой, не могуць свабодна перадаваць дапамогу беларускім юрыдычным асобам.

Рэкамендацыі пра паляпшэнне ўмоваў для атрымання і выкарыстання бязвыплатнай дапамогі з замежных і ўнутраных крыніцаў прадстаўленыя ў аглядзе CSO Meter, які быў падрыхтаваны Асамблеяй НДА і Цэнтрам прававой трансфармацыі па выніках даследвання ўмоў для дзейнасці грамадзянскай супольнасці Беларусі, паведамляе Асамблея НДА Беларусі.

spring96.org

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: