Беларускія турысты, якія трапілі ў аварыю ў Чэхіі, вярнуліся на радзіму

Аўтобус з беларускімі турыстамі — удзельнікамі ДТЗ у Чэхіі, паспяхова прыбыў у Беларусь, паведаміла беларускае пасольства ў Чэшскай Рэспубліцы. У чэшскіх бальніцах застаюцца тры чалавекі.



У сваю чаргу беларускае МЗС на сваёй старонцы ў "Твітэры" паведаміла, што ў Беларусь прыбылі трое пацярпелых у аварыі і асобы, якія іх суправаджаюць. "Пасольства трымае на кантролі сітуацыю з грамадзянамі, якія засталіся ў бальніцах", — гаворыцца ў паведамленні.
 

Шостага студзеня ў Чэхіі беларускі аўтобус трапіў у ДТЗ на слізкай дарозе паміж населенымі пунктамі Горжычкі і Чэска-Скаліцэ. Паводле наяўнай інфармацыі, вадзіцель рухаўся з мінімальнай хуткасцю, аб`язджаючы асноўную трасу з-за яе блакавання ў сувязі з умовамі надвор`я. Турыстычная група з 49 чалавек (дзеці разам з бацькамі) ехала з Прагі ва Вроцлаў. Было шпіталізавана больш за 15 чалавек. Па стане на вечар 7 студзеня ў чэшскіх бальніцах заставаліся трое пацярпелых, паведамляла МЗС.
 
 

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: