Больш за палову фінансавых дырэктараў беларускіх кампаній песімістычна глядзяць у будучыню

Сярод фінансавых дырэктараў беларускіх кампаній пераважаюць песімістычныя настроі, сведчаць вынікі даследавання, якое правяла ў Беларусі кампанія «Дэлойт», піша Свабода са спасылкай на БелаПАН.

Фота Аляксандра Васюковіча

Фота Аляксандра Васюковіча



Збор даных прайшоў у другой палове верасня і першай палове кастрычніка 2020 года. У даследаванні прынялі ўдзел 37 рэспандэнтаў — фінансавых дырэктараў, якія прадстаўляюць ключавыя сектары эканомікі. Звесткі збіраліся шляхам онлайн-анкетавання і інтэрв'ю з экспертамі.

«Большасць прадстаўнікоў бізнесу ў Беларусі (52%) чакаюць негатыўных зменаў у фінансавым становішчы кампаніі, што ў асноўным абумоўлена бягучай эпідэміялагічным і палітычным становішчам, а таксама глабальным эканамічным спадам», — гаворыцца ў справаздачы, падрыхтаванай на падставе даследавання.

Пры гэтым 24% апытаных фінансавых дырэктараў выказалі здагадку, што сітуацыя не зменіцца, і столькі ж апытаных чакаюць яе паляпшэння.

Доля фінансавых дырэктараў, якія ацэньваюць бягучую эканамічную і палітычную сітуацыю як няпэўную, склала 97%.

«Дэлойт» — адна з вядучых міжнародных фірмаў, якая прапаноўвае паслугі ў галіне аўдыту, кансалтынгу, фінансавага кансультавання, кіравання рызыкамі і кансультавання аб падаткаабкладаньні і праве. Кампанія працуе ў больш як 150 краінах.

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: