БПЦ выказала пратэст Канстанцінопальскаму Патрыярхату адносна аўтакефаліі ўкраінскіх праваслаўных

«У сувязі з праяўленым антыкананічным умяшаннем Патрыярха Канстанцінопальскага Варфаламея ва ўнутраныя справы Рускай Праваслаўнай Царквы» Сінод Беларускай Праваслаўнай Царквы апублікаваў зварот. 
Згодна з ім, Сінод Беларускай Праваслаўнай Царквы пастанавіў:

1. Аднагалосна і аднадушна падтрымаць пазіцыю Свяцейшага Патрыярха Маскоўскага і ўсяе Русі Кірыла і Свяшчэннага Сінода Рускай Праваслаўнай Царквы, выказаную ў афіцыйнай заяве ад 8 верасня 2018 года, у сувязі з прызначэннем двух іерархаў Канстанцінопальскага Патрыярхату — архіепіскапа Памфілійскага Данііла і епіскапа Эдмантанскага Іларыёна — «экзархамі» Канстанцінопальскага Патрыярхату ў горад Кіеў.

2. Выказаць пратэст супраць дзеяння Канстанцінопальскага Патрыярхату, паколькі яно ўяўляе сабой агрэсіўнае ўмяшанне адной Памеснай Царквы ва ўнутраныя справы іншай Памеснай Царквы, накіраванае на падрыў асноў міжправаслаўнага міру і адзінства.

Апроч таго ў заяве заклікаюць духавенства і паству Беларускага Экзархату «ўзносіць асаблівыя малітвы да Госпада аб больш хуткім вылячэнні і пераадоленні сітуацыі, якая склалася, аб настаўленні і пакаянні тых, хто правакуе царкоўныя неўладкаванні і расколы, а таксама аб добрым стане Украінскай Праваслаўнай Царквы і ўмацаванні міру на зямлі Украіны».

Таксама ўзвароце выказваецца падтрымка мітрапаліту Кіеўскаму і ўсяе Украіны Ануфрыю — кананічнаму Прадстаяцелю Украінскай Праваслаўнай Царквы. Сінод мае намер «сведчыць аб непарыўным духоўным адзінстве праваслаўных хрысціян брацкіх народаў Беларусі, Расіі і Украіны, дзяцей Рускай Праваслаўнай Царквы, якая ахоплівае сваёй апекай гістарычную Русь, духоўна народжаную ў Кіеўскай хрышчальнай купелі».

Нагадаем, Канстанцінопальскі Патрыярхат рыхтуецца прызнаць аўтакефалію Украінскай Праваслаўнай Царквы. 

Паводле church.by

Хочаце ведаць больш? Сачыце за нашымі публікацыямі ў Telegram і Facebook!

Абмеркаванне:

  • фцф
  • 2018-09-12 22:22:17
А калі гэта воля украінскага народа ці нават вернікаў Украіны? То што? Масква ўмешваецца ва ўнутранныя справы суседняй краіны. І значна больш агрэсіўна, чым Канстантынопаль, які на гэта мае больш правоў, бо ён даваў Кіеву хрысьціянства яшчэ калі не было ні Масквы, ні Пуці піцерскага. Аб чым гаворка спадарства праслаўнае?
  • Андрэй зь Віцебска
  • 2018-09-13 09:01:38
Залатое правіла рэлігіі: каралю - каралёвае, Богу - божае (гэта значыць правіла неўмяшаньня царквы ў палітычныя справы, тым больш замежнай краіны)!
Больш таго, самая БЦП не зьяўляецца самастойнай, бо насамрэч ёсьць усяго толькі філіяй маскоўскага адзьдзелу ФСБ пад агентурнай назвай "праваслаўная царква", як вядома, створанага ў 1946 годзе на загад Сталіна. З гэтага вынікае, што БЦП - інструмэнт палітыкі Крамля.
То спачатку няхай БЦП скасуе сваю татальную залежнасьць ад варожай да Беларусі дзяржавы (маецца на ўвазе Масковія), а потым ужо камэнтуе палітыку! Глядзіш, можа і вернікі вернуцца ў царкву...
  • Раман
  • 2018-09-15 14:15:36
Самостоятельность "БПЦ МП" от Кремля, примерно равна самостоятельности "ЛДНР". И то и другое на данный момент является марионеточной структурой Кремля,возглавляемое его же ставленниками. А посему решение ожидаемое...
Хотя сами притязания московитов смехотворны. Православие в Киев пришло из Константинополя в 10 веке, когда на территории Москвы лягушки квакали, а её самой ни в одном проекте не было.

Больш цікавага на «Новым Часе»: