Брэсцкі акумулятарны завод прайшоў экалагічную экспертызу

ТАА «Айпауэр» 9 красавіка атрымала станоўчае заключэнне дзяржаўнай экалагічнай экспертызы па будаўнічым праекце акумулятарнага завода ў Брэсце, гаворыцца на сайце 1AK-GROUP.
Паведамляецца, што дзяржэкспертыза ўстанавіла адпаведнасць праектных рашэнняў патрабаванням заканадаўства аб ахове навакольнага асяроддзя і выкарыстанні прыродных рэсурсаў.

Далей на «Айпауэр» павінны быць праведзены індывідуальныя выпрабаванні і комплекснае апрабаванне устаноўленага абсталявання і ўсіх інжынерных сістэм.

Грамадская экалагічная экспертыза, пра якую ў верасні распарадзіўся кіраўнік дзяржавы, так і не не адбылася. Таму ў канцы лютага прадпрыемства перадало дакументы для правядзення дзяржаўнай экалагічнай экспертызы праекта. Заключэнне экспертызы зацвердзіў ДУА «Рэспубліканскі цэнтр дзяржаўнай экалагічнай экспертызы і павышэння кваліфікацыі кіруючых работнікаў і спецыялістаў» Мінпрыроды.

Нагадаем, завод павінен быў запрацаваць у 2018 годзе, аднак брэстаўчане з пачатку яго будаўніцтва выступалі супраць прадпрыемства, баючыся за забруджванне навакольнага асяроддзя. Пратэсты працягнуліся больш за год. Вясной 2019 года прадпрыемства было пабудавана, але за некалькі спробаў так і не прайшло экалагічную экспертызу: было ўстаноўлена перавышэнне па шкодных выкідах. Завод так і не быў уведзены ў эксплуатацыю ў тэрмін, прадугледжаны інвестдамовай — да 31 ліпеня 2019 года. Пасля гэтага суд абавязаў прадпрыемства вярнуць 5,7 млн ​​рублёў, выдзеленых яму з абласнога інавацыйнага фонду. Але яшчэ да таго ўладальнік кампаніі стаў фігурантам крымінальнай справы.

Паводле reform.by

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: