Будаўніцтва свінакомплекса каля Маладзечна можа абярнуцца экалагічнай катастрофай

31 сакавіка ў Маладзечне адбудзецца працоўная сустрэча па праблеме будаўніцтва свінакомплекса ля вёскі Соўлава ў Маладзечанскім раёне. 



Партыя БХД запрашае усіх неабыякавых далучыцца да абмеркавання праблемы а 18-й гадзіне па вул. Чыстая, 26.



Свінакомплекс на 100 тысяч галоў — гэта недапушчальна вялікі і неэкалагічны свінакомплекс. Велізарны свінакомплекс-монстр немінуча прывядзе да забруджвання паветра, грунтовых вод і глебы. Рашэнне Маладзечанскага райвыканкама аб дазволе будаўніцтва свінакомплекса на 100 тысяч галоў ля вёскі Соўлава  гэта злачынства, гэта свядомае нанясенне непапраўнай шкоды навакольнаму асяроддзю і пагроза для здароўя жыхароў Маладзечанскага, Валожынскага і Смаргонскага раёнаў”, — адзначыў каардынатар БХД па Мінскай вобласці Павел Пракаповіч.



9 сакавіка Маладзечанскі райвыканкам прыняў рашэнне № 173 “Аб дазволе будаўніцтва аб’екта”, згодна з якім кампаніі “Велес-Міт” дазваляецца будаваць свінакомплекс на 100 тысяч галоў у год у раёне вескі Соўлава Маладзечанскага раёна. Рашэнне было прынята на падставе зварота “Велес-Міт” 1 чэрвеня 2015 года, указа Лукашэнкі № 220 ад 1 чэрвеня 2015 аб “Дзейнасці ТАА “Велес-Міт” і на падставе “станоўчых” дзяржаўных экалагічных экспертыз.

Паводле bchd.info

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: