Будаўнічыя работы ў Курапатах. ЖЫВАЯ ТРАНСЛЯЦЫЯ

З раніцы 15 кастрычніка ў Курапатах пачала працаваць будаўнічая тэхніка: экскаватар, пагрузчык і два самазвалы. Работы ішлі на крыжовай алеі. Глядзіце жывую трансляцыю Радыё Свабоды. 
​Экскаватары выкапалі траншэю для адводу вады і збіраюцца будаваць дарожку да Галгофы. Будаўнікі пракапалі каля ста мэтраў траншэі і запоўнілі зямлёй адзін з самазвалаў, але далейшыя работы давялося спыніць — на шляху тэхнікі сталі абаронцы Курапатаў. У выніку дамовіліся, што далейшая праца будуць весціся ўручную пад наглядам археолагаў.

Раніцай 16 кастрычніка ў Курапатах тэхніка вярнулася, але прыйшлі і актывісты. Што там адбываецца, глядзіце ў трансляцыі Свабоды.


У лютым 2017 году на вуліцы Мірашнічэнкі, якая мяжуе з ахоўнай зонай Курапатаў, паўстаў кругласутачны лагер супраць будаўніцтва тут офіснага цэнтру. Дзякуючы неабыякавым людзям урочышча ўдалося абараніць ад камерцыялізацыі.

Неўзабаве курапацкая тэма знайшла працяг на дзяржаўным узроўні. У рэдакцыі газеты «Советская Белоруссия» прайшоў круглы стол пад назвай «Гісторыя, якая павінна нас аб’ядноўваць», а праз нейкі час Аляксандар Лукашэнка заявіў, што неўзабаве ў Курапатах створаць мемарыяльны комплекс. Праўда, да «комплексу» справа не дайшла, летась у сакавіку Міністэрства культуры абвясціла конкурс на «памятны знак».

Амаль год не было ніякіх зрухаў, хоць ініцыятар удзелу дзяржавы ў мэмарыялізацыі Курапатаў, тагачасны галоўны рэдактар газэты «СБ. Беларусь сегодня» Павал Якубовіч абяцаў, што на ўсіх этапах будуць далучаныя прадстаўнікі грамадскасці, якія доўгія гады апекаваліся Курапатамі. Насуперак заявам, працэс адбору прэтэндэнтаў і вызначэння лепшых работ прайшоў кулуарна.

У чэрвені 2018 году журы на чале з рэктарам Беларускай дзяржаўнай акадэміі мастацтваў Міхаілам Баразной абнародавала тры эскізныя праекты, адабраныя ў фінал. Выбар праектаў адбываўся без удзелу грамадскасці. У жніўні быў вызначаны пераможца — праект скульптараў Вольгі Нячай і Сяргея Аганава, архітэктараў Марыі Маркаўцовай і Вольгі Ярмолінай, які ў народзе ўжо назвалі «прышчэпкай».

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Абмеркаванне:

  • Люстэрка
  • 2018-10-16 12:23:36
На дзяржаўным помніку не трэба незразумелых слоў "тату, маме, брату, сястры". Трэба коратка "Ахвярам НКВД".
  • Игорь Кузнецов
  • 2018-10-17 21:57:28
Умудрились провести конкурс на памятный знак без участия общественности.Но преступно сделать надпись без учета мнения хотя бы родственников невинно убиеных.

Больш цікавага на «Новым Часе»: