Былому дырэктару Магілеўскага мясакамбіната далі 5 год калоніі

Экс-дырэктар асуджаны за хабар у 2 тысячы долараў.


Да пяці год калоніі з канфіскацыяй маёмасці прысуджаны дырэктар Магілеўскага мясакамбіната Уладзімір Латыўгоскі, піша TUT.BY.

Як адзначалася ў матэрыялах справы, Латыгоўскі паабяцаў сузаснаваўцам кампаніі "КормЖыўСервіс" дапамогу з пераводам грошай ад сельгаспрадпрыемства-даўжніка за матэрыяльнае ўзнагароджанне ў памеры 5% ад пералічаных сумаў.

Агулам, па дадзеных следства, у якасці ўзнагароды дырэктар атрымаў 2 100 долараў.

Суд палічыў віну афіцыйнай асобы даказанай і прысудзіў яго да 5 год з канфіскацыяй маёмасці. Таксама Латыгоўскі пазбаўлены права займаць пасады, звязаныя з ажыццяўленнем арганізацыйна-распараджальных, адміністратыўна-гаспадарчых функцыі і ажыццяўлення юрыдычна значных дзеянняў на тэрмін 5 год.

Прысуд у законную сілу не ўступіў, можа быць абскарджаны і апратэставаны.


Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: